|    Oct 22 Mon, 2018 6:40 am
FLASH NEWS
Home   >  Todays Paper  >  page 12  >  

ഇതരസംസ്ഥാന പാല്‍ വിപണനം ഗുണനിലവാര പരിശോധനയ്ക്കുശേഷം: മില്‍മ

Published : 26th May 2017 | Posted By: fsq

 

കോട്ടയം: ഇതരസംസ്ഥാനങ്ങളില്‍ നിന്ന് കൊണ്ടുവരുന്ന പാ ല്‍ കര്‍ശനമായ ഗുണനിലവാര പരിശോധനയ്ക്ക് വിധേയമാക്കിയശേഷമാണ് വില്‍പന നടത്തുന്നതെന്ന് മില്‍മ എറണാകുളം മേഖലാ ചെയര്‍മാന്‍ പി എ ബാലന്‍മാസ്റ്റര്‍. കേരളത്തി ല്‍ മില്‍മയുടെ പ്രതിദിന സംഭരണം 12.4 ലക്ഷം ലിറ്ററും വിപണനം 13 ലക്ഷം ലിറ്ററുമാണ്. എറണാകുളം മേഖലാ യൂനിയന്റെ പ്രതിദിന സംഭരണം 3.2 ലക്ഷവും വിപണനം 3.3 ലക്ഷം ലിറ്ററുമാണ്. പാലുല്‍പാദനം കുറയാറുള്ള മാര്‍ച്ച്-ഏപ്രില്‍ മാസങ്ങളില്‍ വര്‍ധനയാണ് രേഖപ്പെടുത്തിയത്. അതിനാല്‍, പാലുല്‍പാദനം ഇനിയും വര്‍ധിക്കുമെന്നാണ് പ്രതീക്ഷ. ഇതരസംസ്ഥാനങ്ങളില്‍നിന്നുകൂടി പാലെത്തിച്ചാണ് കുറവ് പരിഹരിക്കുന്നത്. കേരളത്തിലെത്തിക്കുന്ന പാലിന്റെ ഗുണനിലവാരം ഉറപ്പുവരുത്തിയശേഷം മാത്രമാണ് ഉപഭോക്താക്കള്‍ക്ക് നല്‍കുന്നതെന്നും അദ്ദേഹം വാര്‍ത്താസമ്മേളനത്തില്‍ അറിയിച്ചു. അതേസമയം, ഇതരസംസ്ഥാനങ്ങളില്‍നിന്ന് കേരളത്തിലേക്ക് നേരിട്ടെത്തിക്കുന്ന പാലില്‍ ഫോര്‍മാലിന്‍ പോലുള്ള മാരകവിഷമുള്ള രാസപദാര്‍ഥങ്ങള്‍ അടങ്ങിയിട്ടുണ്ടെന്നാണ് കാര്‍ഷിക സര്‍വകലാശാലയും ക്ഷീരവകുപ്പും നടത്തിയ പരിശോധനയില്‍ വ്യക്തമായത്. അതുകൊണ്ട് അതിര്‍ത്തി കടന്നുവരുന്ന പാലിന്റെ ഗുണനിലവാരം കണ്ടെത്തുന്നതിന് കര്‍ശന പരിശോധന നടത്താന്‍ വകുപ്പുമന്ത്രിയുടെ അധ്യക്ഷതയില്‍ ചേര്‍ന്ന സെമിനാറില്‍ തീരുമാനിച്ചിട്ടുണ്ടെന്നും ചെയര്‍മാന്‍ കൂട്ടിച്ചേര്‍ത്തു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss