|    Dec 12 Tue, 2017 11:31 pm
FLASH NEWS

ഇതരസംസ്ഥാന തൊഴിലാളികള്‍ ചൂഷണങ്ങള്‍ക്ക് വിധേയരാവുന്നു: ജ. ബി കെമാല്‍ പാഷ

Published : 4th December 2017 | Posted By: kasim kzm

പന്തളം: അസംഘടിത മേഖലയിലെ ഇതരസംസ്ഥാന തൊഴിലാളികള്‍ സമൂഹത്തില്‍ ചൂഷണങ്ങള്‍ക്ക് വിധേയമാവുന്നുണ്ടെന്ന് ഹൈക്കോടതി ജഡ്ജി ജസ്റ്റിസ് ബി കെമാല്‍ പാഷ. അസംഘടിത മേഖലയിലെ തൊഴിലാളികള്‍ക്ക് നിയമ സേവനങ്ങള്‍ ഉറപ്പാക്കുന്ന സാഥി പദ്ധതിയുടെ ഭാഗമായി സൗജന്യ നിയമ സഹായം, മെഡിക്കല്‍ ക്യാംപ് എന്നിവയുടെ ഉദ്ഘാടനം നിര്‍വഹിക്കുകയായിരുന്നു അദ്ദേഹം.
ഇവര്‍ക്ക് കൃത്യമായ ചികില്‍സ കിട്ടുന്നില്ല. ജോലിക്ക് അര്‍ഹമായ കൂലി കിട്ടുന്നില്ല. ഇതരസംസ്ഥാന തൊഴിലാളികള്‍ക്കെതിരായ അക്രമങ്ങളും അനീതികളും  സംബന്ധിച്ച് ജില്ലാ ലീഗല്‍ സര്‍വീസസ് അതോറിറ്റിക്ക് പരാതി ലഭിച്ചാല്‍ ബന്ധപ്പെട്ട വകുപ്പുകളുമായി ചേര്‍ന്ന് നടപടി സ്വീകരിക്കുമെന്നും ജസ്റ്റിസ് കമാല്‍ പാഷ പറഞ്ഞു. ഇതരസംസ്ഥാന തൊഴിലാളികള്‍ നമ്മുടെ സമൂഹത്തിന്റെ ഭാഗമാണെന്നും അവര്‍ക്ക് ഇന്ത്യന്‍ ഭരണഘടന ഉറപ്പു നല്‍കുന്ന എല്ലാ അവകാശങ്ങളും ആനുകൂല്യങ്ങളും ഉറപ്പാക്കണമെന്നും ആവാസ് സൗജന്യ ഇന്‍ഷുറന്‍സ് കാര്‍ഡ് വിതരണോദ്ഘാടനം നിര്‍വഹിച്ച ചിറ്റയം ഗോപകുമാര്‍ എംഎല്‍എ പറഞ്ഞു.
അസംഘടിത മേഖലയിലെ തൊഴിലാളികള്‍ക്ക് പ്രശ്‌നങ്ങളുണ്ടാകുമ്പോള്‍ നിയമസംരക്ഷണം ഉറപ്പാക്കുന്നതിന് ഇവരെ നാട്ടിലെത്തിച്ചവര്‍ ആരാണെന്നതു  സംബന്ധിച്ച് വ്യക്തതയില്ലാത്തത് പലപ്പോഴും നടപടിയെടുക്കുന്നതിന് ബുദ്ധിമുട്ടുണ്ടാക്കുന്നുണ്ടെന്ന് മുഖ്യപ്രഭാഷണം നടത്തിയ ജില്ലാ കലക്ടര്‍ ആര്‍ ഗിരിജ പറഞ്ഞു. ജില്ലയില്‍ അമ്പതിനായിരത്തില്‍ അധികം ഇതരസംസ്ഥാന തൊഴിലാളികള്‍ ജോലി ചെയ്യുന്നുണ്ടെന്നും ഇവര്‍ക്ക് ആവശ്യമായ എല്ലാ നിയമസംരക്ഷണവും നല്‍കുമെന്നും യോഗത്തില്‍ അധ്യക്ഷത വഹിച്ച ജില്ലാ സെഷന്‍സ് ജഡ്ജ് ജോണ്‍ കെ ഇല്ലിക്കാടന്‍ പറഞ്ഞു.
ജില്ലാ ലീഗല്‍ സര്‍വീസസ് അതോറിറ്റി സെക്രട്ടറി ആര്‍ ജയകൃഷ്ണന്‍, പന്തളം നഗരസഭ അധ്യക്ഷ ടി കെ. സതി, നഗരസഭാ കൗണ്‍സിലര്‍മാരായ കെ വി. പ്രഭ, കൃഷ്ണവേണി, എ നൗഷാദ് റാവുത്തര്‍, ജില്ലാ ഗവണ്‍മെന്റ് പ്ലീഡര്‍ എ സി ഈപ്പന്‍, ഡെപ്യുട്ടി ഡിഎംഒ ടി അനിതാകുമാരി, ജില്ലാ ലേബര്‍ ഓഫീസര്‍ റ്റി സൗദാമിനി, പ്രോഗ്രാം ഓഫീസര്‍ ജോര്‍ജ് കുര്യന്‍ സംസാരിച്ചു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക