|    Oct 20 Sat, 2018 12:20 pm
FLASH NEWS

ഇടിമിന്നല്‍: റാന്നിയില്‍ വീടുകള്‍ക്ക് നാശനഷ്ടം

Published : 14th May 2018 | Posted By: kasim kzm

റാന്നി:  വേനല്‍ മഴയ്‌ക്കൊപ്പമുള്ള ഇടിമിന്നലില്‍ റാന്നിയില്‍ വീടിനു തീ പിടിച്ചു. അഴൂരില്‍ വീടിന്റെ വയറിങ് കത്തി നശിച്ചു. അങ്ങാടി മേനാതോട്ടം ആശുപത്രി റോഡില്‍  പുല്ലമണ്ണില്‍ മാത്യു ഉമ്മന്റെ വീടിനോടു ചേര്‍ന്ന കാര്‍ പോര്‍ച്ചില്‍ കിടന്ന തടിയുരുപ്പടികള്‍ പൂര്‍ണമായി കത്തി നശിച്ചു.
ഇന്നലെ വൈകുന്നേരമാണ് സംഭവം. ഷട്ടറിട്ട കാര്‍ പോര്‍ച്ചിനുള്ളില്‍ നിന്ന് പുക ഉയരുന്നതു കണ്ട അയല്‍വാസികള്‍ നാട്ടുകാരെയും ഫയര്‍ഫോഴ്‌സിനേയും വിളിച്ചു വരുത്തുകയായിരുന്നു. വീടിനുള്ളില്‍ പുക നിറയുന്നതു കണ്ട് അവിടെ ഉണ്ടായിരുന്ന വയോധികയും ചെറുമകളും ഇറങ്ങി ഓടിയതിനാല്‍ വന്‍ അത്യാഹിതം ഒഴിവായി.
പത്തനംതിട്ട അഴൂരില്‍ കൃഷ്ണഭവനത്തില്‍ മംഗളാംബികയുടെ വീടിന്റെ ഭിത്തി മിന്നലില്‍ വെടിച്ചു കീറി. വയറിങ് കത്തി നശിച്ചു. ഗൃഹോപകരണങ്ങള്‍ തകരാറിലായി. സമീപത്തെ വീടുകളില്‍ വയറിങ്ങിന് നാശം നേരിട്ടു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss