|    Feb 25 Sun, 2018 5:05 am

ഇടഞ്ഞ ആന പാപ്പാന്റെ വലതു കൈ പറിച്ചെടുത്തു

Published : 5th February 2018 | Posted By: kasim kzm

ചേര്‍ത്തല: ഇടഞ്ഞ ആന പാപ്പാന്റെ വലതുകൈ പറിച്ചെടുത്തു. കഞ്ഞിക്കുഴി പഞ്ചായത്ത്’ ഏഴാം വാര്‍ഡ് കൂറ്റുവേലി പ്രതാപന്‍ (48) ന്റെ കൈ ആണ് ആനയുടെ ആക്രമണത്തില്‍ അറ്റുപോയത്. ഇന്നലെ വൈകിട്ട് ആയിരുന്നു സംഭവം. കോലഞ്ചേരി പുതിയകാവ് ക്ഷേത്രത്തിലെ നാരായണന്‍ എന്ന ആനയെ പ്രതാപന്‍ പാട്ടത്തിനെടുത്തിരുന്നു. വീടിനു സമീപത്തെ പറമ്പില്‍ തളച്ചിട്ടിരുന്ന ആനക്ക് തീറ്റ കൊടുക്കുന്നതിനിടെ അക്രമാസക്തനാകുകയായിരുന്നു. തുമ്പിക്കൈ കൊണ്ട് വലിച്ചെടുത്ത ശേഷം പ്രതാപന്റെ കൈയ്യില്‍ ചവിട്ടുകയായിരുന്നു.  മുട്ടിന് മുകളില്‍ കൈ അറ്റുപോയ നിലയില്‍ പ്രതാപനെ ആലപ്പുഴ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. പോലീസിന്റെയും നാട്ടുകാരുടെയും ഏറെ നേരത്തെ ശ്രമത്തിനൊടുവിലാണ് ആനയുടെ സമീപം അറ്റുകിടന്ന കൈ എടുക്കാനായത്. പിന്നീട് നാട്ടുകാര്‍ കൈയ്യും ആശുപത്രിയിലെത്തിക്കുകയായിരുന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss