|    Jan 20 Fri, 2017 11:59 pm
FLASH NEWS

ഇംഗ്ലീഷ് പ്രീമിയര്‍ ലീഗ്: ചെല്‍സിക്ക് തോല്‍വി; ആഴ്‌സനലിന് സമനില

Published : 10th April 2016 | Posted By: SMR

ലണ്ടന്‍: ഇംഗ്ലീഷ് പ്രീമിയര്‍ ലീഗില്‍ ഇന്നലെ നടന്ന മല്‍സരങ്ങളില്‍ നിലവിലെ ചാംപ്യന്‍മാരായ ചെല്‍സിക്ക് അപ്രതീക്ഷിത തോല്‍വി നേരിട്ടപ്പോള്‍ മുന്‍ ചാംപ്യന്‍മാരായ ആഴ്‌സനല്‍ സമനിലയുമായി രക്ഷപ്പെട്ടു. 32ാം റൗണ്ട് മല്‍സരത്തില്‍ ചെല്‍സിയെ 0-1ന് സ്വാന്‍സിയാണ് ഞെട്ടിച്ചത്.
എന്നാല്‍, ലീഗ് കിരീടത്തിനായി പോരുതുന്ന ആഴ്‌സനല്‍ 3-3ന് വെസ്റ്റ്ഹാമിനോട് സമനില പിടിച്ചുവാങ്ങുകയായിരുന്നു. വെസ്റ്റ്ഹാമിനു വേണ്ടി ആന്‍ഡി കരോള്‍ ഹാട്രിക്കുമായി തിളങ്ങി. ആഴ്‌സനലിനായി മെസ്യൂദ് ഓസില്‍, അലെക്‌സിസ് സാഞ്ചസ്, ലൗറന്റ് കോസിയന്‍ലി എന്നിവര്‍ ഓരോ തവണ ലക്ഷ്യം കണ്ടു.
എന്നാല്‍, 25ാം മിനിറ്റില്‍ ഗല്‍ഫി സിഗോര്‍ഡ്‌സണാണ് ചെല്‍സിയുടെ അന്തകനായി സ്വാന്‍സിയുടെ വിജയഗോള്‍ നേടിയത്.
32 മല്‍സരങ്ങളില്‍ നിന്ന് 59 പോയിന്റുമായി ലീഗില്‍ മൂന്നാം സ്ഥാനത്താണ് ആഴ്‌സനല്‍. ഇത്രയും മല്‍സരങ്ങളില്‍ നിന്ന് 69 പോയിന്റോടെ ലെസ്റ്റര്‍ സിറ്റി ഒന്നാമതും 62 പോയിന്റുമായി ടോട്ടനം ഹോട്‌സ്പര്‍ രണ്ടാം സ്ഥാനത്തും തുടരുകയാണ്.

Share on FacebookShare on Google+Tweet about this on TwitterShare on LinkedIn
(Visited 40 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക