|    Oct 19 Thu, 2017 6:18 pm
FLASH NEWS
Home   >  Todays Paper  >  page 11  >  

ഇംഗ്ലണ്ട് മരണഗ്രൂപ്പില്‍

Published : 14th December 2015 | Posted By: SMR

സൂറിച്ച്: അടുത്ത വര്‍ഷം ഫ്രാന്‍സില്‍ നടക്കാനിരിക്കുന്ന യൂറോ കപ്പ് ഫുട്‌ബോള്‍ ടൂര്‍ണമെന്റിനുള്ള ഗ്രൂപ്പുകളും മല്‍സരക്രമങ്ങളും പ്രഖ്യാപിച്ചു. ഇംഗ്ലണ്ട് ഉള്‍പ്പെടുന്ന ഗ്രൂപ്പ് ബിയാണ് മരണഗ്രൂപ്പ്. ഇംഗ്ലണ്ടിനു പുറമേ ശക്തരായ വെയ്ല്‍സും റഷ്യയുമാണ് ഗ്രൂപ്പ് ബിയില്‍ ഇടംപിടിച്ചിരിക്കുന്നത്. ഗ്രൂപ്പ് ബിയിലെ നാലാമത്തെ ടീം സ്ലൊവാക്യയാണ്.
ആതിഥേയരായ ഫ്രാന്‍സ് ഉള്‍പ്പെടുന്ന ഗ്രൂപ്പ് എയില്‍ റുമാനിയ, അല്‍ബേനിയ, സ്വിറ്റ്‌സര്‍ലന്‍ഡ് എന്നിവരും നിലവിലെ ലോക ചാംപ്യന്‍മാരായ ജര്‍മനി ഉള്‍പ്പെടുന്ന ഗ്രൂപ്പ് സിയില്‍ ഉക്രെയ്ന്‍, പോളണ്ട്, നോര്‍തേണ്‍ അയര്‍ലന്‍ഡും നിലവിലെ യൂറോ കപ്പ് ചാംപ്യന്‍മാരായ സ്‌പെയിന്‍ അടങ്ങുന്ന ഗ്രൂപ്പ് ഡിയില്‍ ചെക്ക് റിപബ്ലിക്കും തുര്‍ക്കിയും ക്രൊയേഷ്യയും മല്‍സരിക്കാനിറങ്ങും.
ഗ്രൂപ്പ് ഇയില്‍ ഇറ്റലി, ബെല്‍ജിയം, അയര്‍ലന്‍ഡ്, സ്വീഡന്‍ എന്നിവരും ഗ്രൂപ്പ് എഫില്‍ പോര്‍ച്ചുഗല്‍ ഐസ് ലന്‍ഡ്, ഓസ്ട്രിയ, ഹംഗറി എന്നിവരും അങ്കത്തിനിറങ്ങും. ജൂണ്‍ 10ന് ഫ്രാന്‍സും റുമാനിയയും തമ്മിലുള്ള ഉദ്ഘാടന മല്‍സരത്തോടെയാണ് ടൂര്‍ണമെന്റിന് തുടക്കമാവുന്നത്. ജൂലൈ 10നാണ് ടൂര്‍ണമെന്റിന്റെ കലാശപ്പോരാട്ടം.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക