|    Aug 19 Sat, 2017 9:18 am
FLASH NEWS
Home   >  Todays Paper  >  page 9  >  

ആസ്‌ത്രേലിയ ഐഎസ് വിരുദ്ധ നടപടി നിര്‍ത്തിവച്ചു

Published : 21st June 2017 | Posted By: fsq

 

ദമസ്‌കസ്: ഐഎസിനെതിരായ സൈനിക നടപടി താല്‍ക്കാലികമായി നിര്‍ത്തിവച്ചെന്ന് ആസ്‌ത്രേലിയ. യുഎസ് നേതൃത്വത്തിലുള്ള സഖ്യകക്ഷികളുടെ പോര്‍വിമാനങ്ങളെ നേരിടുമെന്ന റഷ്യന്‍ മുന്നറിയിപ്പിനു പിന്നാലെയാണ് നടപടി. മുന്‍കരുതല്‍ നടപടികളുടെ ഭാഗമായാണ് പിന്‍മാറ്റമെന്ന് അറിയിച്ച ആസ്‌ത്രേലിയ വിശദാംശങ്ങള്‍ നല്‍കാന്‍ തയ്യാറായില്ല. റഖയില്‍ സിറിയന്‍ പോര്‍ വിമാനം യുഎസ് വെടിവച്ചിട്ടതിനു പിന്നാലെയാണു സഖ്യകക്ഷി പോര്‍വിമാനങ്ങള്‍ക്കെതിരേ റഷ്യ മുന്നറിയിപ്പു നല്‍കിയത്. ഇത്തരം സംഭവങ്ങളില്‍ പ്രതിഷേധിച്ച് യുഎസുമായുള്ള ആശയവിനിമയം നിര്‍ത്തിവച്ചതായി കഴിഞ്ഞ ദിവസം റഷ്യ അറിയിച്ചിരുന്നു. ഐഎസ് വിരുദ്ധ നീക്കങ്ങളെ പിന്തുണച്ച് 780ഓളം സൈനികരെയാണ് ഇറാഖിലും സിറിയയിലുമായി ആസ്‌ത്രേലിയ വിന്യസിച്ചിട്ടുള്ളത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക