|    Jun 23 Sat, 2018 4:14 am
FLASH NEWS
Home   >  Todays Paper  >  page 11  >  

ആസ്‌ത്രേലിയന്‍ ഓപണിന് ഇന്ന് തുടക്കം

Published : 18th January 2016 | Posted By: SMR

മെല്‍ബണ്‍: ഈ വര്‍ഷത്തെ ആദ്യ ഗ്രാന്‍ഡ്സ്ലാമായ ആസ്‌ത്രേലിയന്‍ ഓപണ്‍ ടെന്നിസ് ടൂര്‍ണമെന്റിന് ഇന്ന് തുടക്കമാവും. ആസ്‌ത്രേലിയയിലെ മെല്‍ബണ്‍ പാര്‍ക്കിലാണ് പോരാട്ടങ്ങള്‍ അരങ്ങേറുന്നത്. ഇന്ന് മുതല്‍ ഈ മാസം 31 വരെയാണ് പോരാട്ടങ്ങള്‍ നടക്കുന്നത്.
നിലവില്‍ സെര്‍ബിയയുടെ ലോക ഒന്നാം നമ്പര്‍ താരം നൊവാക് ജോകോവിച്ചാണ് പുരുഷ വിഭാഗം സിംഗിള്‍സിലെ ചാംപ്യന്‍. വനിതകളില്‍ അമേരിക്കയുടെ ലോക ഒന്നാം നമ്പര്‍ താരം സെറീന വില്യംസാണ് നിലവില്‍ സിംഗിള്‍സ് വിഭാഗത്തിലെ ജേതാവ്. മിക്‌സഡ് ഡബിള്‍സില്‍ ഇന്ത്യയുടെ ലിയാണ്ടര്‍ പേസ്-സ്വിറ്റ്‌സര്‍ലന്‍ഡിന്റെ മാര്‍ട്ടിന ഹിംഗിസ് സഖ്യമാണ് ജേതാക്കള്‍. ഇത്തവണ വന്‍ പ്രതീക്ഷയുമായാണ് ഇന്ത്യന്‍ താരങ്ങള്‍ ടൂര്‍ണമെന്റിനെത്തിയിരിക്കുന്നത്.
പേസ് സഖ്യത്തിനു പുറമേ ലോക റെക്കോഡ് നേട്ടവുമായി അപരാജിത കുതിപ്പ് നടത്തുന്ന വനിത ഡബിള്‍സിലെ ലോക ഒന്നാം നമ്പര്‍ ജോടികളായ സാനിയ മിര്‍സ-ഹിംഗിസ് സഖ്യവും വന്‍ പ്രതീക്ഷയിലാണ്. കിരീട കൊയ്ത്ത് തുടര്‍ കഥയാക്കിയ സാനിയ-ഹിംഗിസ് സഖ്യം തുടര്‍ച്ചയായ 30 ജയങ്ങള്‍ സ്വന്തമാക്കി റെക്കോഡിട്ടതിനു ശേഷമാണ് ആസ്‌ത്രേലിയന്‍ ഓപണിനെത്തിയിരിക്കുന്നത്.
സിംഗിള്‍സില്‍ യൂകി ഭാംബ്രി മാത്രമാണ് ടൂര്‍ണമെന്റില്‍ ഇന്ത്യയെ പ്രതിനിധീകരിക്കുന്നത്. ഭാംബ്രിയുടെ ആദ്യ മല്‍സരം ഇന്ന് ചെക്ക് റിപബ്ലിക്കിന്റെ ആറാം സീഡായ തോമസ് ബെര്‍ഡിച്ചിനെതിരേയാണ്. ഇവര്‍ക്കു പുറമേ മഹേഷ് ഭൂപതിയും രോഹന്‍ ബൊപ്പണ്ണയും വ്യത്യസ്ഥ ജോടികളുമായി ടൂര്‍ണമെന്റിനെത്തിയിട്ടുണ്ട്.
ഇന്ന് നിരവധി പ്രമുഖര്‍ കോര്‍ട്ടിലിറങ്ങുന്നുണ്ട്. ജോകോവിച്ച് ദക്ഷിണ കൊറിയയുടെ ചുങ് യിഹോനെയും റോജര്‍ ഫെഡറര്‍ നികോളസ് ബസിലാസ് വിലിയെയും സെറീന കാമില ജിയോര്‍ജിയെയും നേരിടും.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss