|    Oct 19 Fri, 2018 10:57 pm
FLASH NEWS
Home   >  National   >  

ആസിഡ് ആക്രമണത്തിനിരായ യുവതിയെ പീഡിപ്പിക്കാന്‍ ശ്രമം;ബിജെപി നേതാവിനെതിരെ കേസ്

Published : 19th February 2018 | Posted By: mi.ptk

ഭോപ്പാല്‍: ആസിഡ് ആക്രമണത്തിന് ഇരയായ യുവതിയെ പീഡിപ്പിക്കാന്‍ ശ്രമിച്ച ബിജെപി നേതാവിനെതിരെ പോലീസ് കേസെടുത്തു. മധ്യപ്രദേശ് രാജ്യശില കലാമണ്ഡല്‍ വൈസ് ചെയര്‍മാനും കാബിനറ്റ് പദവിയുമുള്ള രാജേന്ദ്ര നാംദിയോയ്‌ക്കെതിരെയാണ് പീഡന ശ്രമത്തിന് കേസെടുത്തത്.

കഴിഞ്ഞവര്‍ഷം നവംബറിലാണ് സംഭവം. ഇരുപത്തഞ്ചുകാരിയായ യുവതിയെ ഭോപ്പാല്‍ റെയില്‍വേ സ്റ്റേഷനു സമീപത്തെ ഹോട്ടലിലേക്ക് വിളിച്ചുവരുത്തി പീഡിപ്പിക്കാന്‍ ശ്രമിക്കുകയായിരുന്നു. യുവതി ഇയാളില്‍ നിന്ന് ഓടി രക്ഷപ്പെടുകയായിരുന്നു. ഹനുമാന്‍ഗഞ്ച് പോലീസാണ് രാജേന്ദ്രക്കെതിരെ കേസെടുത്തിരിക്കുന്നത്. രാജേന്ദ്രയെ ചോദ്യം ചെയ്യുകയാണെന്നു പൊലീസ് അറിയിച്ചു.
സംഭവത്തെതുടര്‍ന്ന് കാബിനറ്റ് പദവിയുള്ള രാജേന്ദ്രയെ സര്‍ക്കാര്‍ തല്‍സ്ഥാനത്തുനിന്നു മാറ്റി. രാജേന്ദ്രയെ ആറുമാസത്തേക്ക് പാര്‍ട്ടിയില്‍ നിന്നു സസ്‌പെന്റ് ചെയ്തതായി ബിജെപി സംസ്ഥാന അധ്യക്ഷന്‍ നന്ദകുമാര്‍ ചൗഹാനും പറഞ്ഞു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss