|    Oct 23 Mon, 2017 4:24 am

ആശുപത്രിക്കിടക്കയില്‍ കഴിയുന്ന കുട്ടികള്‍ക്ക് സാന്ത്വന സ്പര്‍ശവുമായി വിദ്യാര്‍ഥികള്‍

Published : 20th December 2015 | Posted By: SMR

ചാവക്കാട്: താലൂക്ക് ആശുപത്രിക്കിടക്കയില്‍ കഴിയുന്ന കുട്ടികള്‍ക്കരികിലേക്കു സാന്ത്വന സ്പര്‍ശവുമായി മണത്തല ഗവ. ഹൈസ്‌കൂളിലെ വിദ്യാര്‍ഥികള്‍.
താലൂക്ക് ആശുപത്രിയില്‍ കഴിയുന്ന പതിനഞ്ചോളം കുട്ടികള്‍ക്കരികിലേക്കാണു ക്രിസ്മസ് ആഘോഷത്തിന്റെ ഭാഗമായി സമ്മാനപ്പൊതികളുമായുള്ള വിദ്യാര്‍ഥികളുടെ സന്ദര്‍ശനം. സ്‌കൂളില്‍ ആഘോഷം ചുരുക്കിയാണ് ആശുപത്രിയിലെ കുട്ടികളുടെ വാര്‍ഡില്‍ കാരുണ്യത്തിന്റെ സ്പര്‍ശവുമായി വിദ്യാര്‍ഥികളും അമ്മമാരും അധ്യാപകരും ചാവക്കാട് പ്രവാസി ഫോറം അംഗങ്ങളുമെത്തിയത്.
ക്രിസ്മസ് കേക്ക് മുറിച്ചും മധുരപലഹാരങ്ങള്‍ വിതരണം ചെയ്തും കാരള്‍ ഗാനം ആലപിച്ചും ദിനം അവിസ്മരണീയമാക്കി. കുട്ടികള്‍ക്കു സമ്മാനപ്പൊതി നല്‍കി താലൂക്ക് ആശുപത്രി സൂപ്രണ്ട് ഡോ. എ എ മിനിമോള്‍ ഉദ്ഘാടനം ചെയ്തു.
പിടിഎ പ്രസിഡന്റ് പി കെ അബ്ദുല്‍കലാം അധ്യക്ഷത വഹിച്ചു. വിദ്യാര്‍ഥികള്‍ ആശുപത്രിയിലെ പെയിന്‍ ആന്‍ഡ് പാലിയേറ്റിവ് പ്രവര്‍ത്തനങ്ങള്‍ക്കുവേണ്ടി സ്വരൂപിച്ച തുക പ്രധാന അധ്യാപിക ഒ കെ സതി സൂപ്രണ്ടിനു കൈമാറി. എ എസ് രാജു, എച്ച്‌ഐ സി വി അജയ്കുമാര്‍, എ എസ് വിജയന്‍, ഉണ്ണി ആര്‍ട്‌സ്, എം മാലതി സംസാരിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക