|    Jun 23 Sat, 2018 6:28 am
FLASH NEWS
Home   >  Todays Paper  >  page 7  >  

ആശാറാം ബാപ്പു കേസ്: നാള്‍വഴികള്‍

Published : 26th April 2018 | Posted By: kasim kzm

2013 ആഗസ്ത് 15: ആശ്രമത്തില്‍ മാതാപിതാക്കളോടൊപ്പം ചികില്‍സയ്‌ക്കെത്തിയ ദലിത് പെണ്‍കുട്ടിയെ ആശാറാം ബാപ്പു ബലാല്‍സംഗം ചെയ്തു
2013 ആഗസ്ത് 20: ബലാല്‍സംഗ കേസില്‍ പെണ്‍കുട്ടിയുടെ അച്ഛന്‍ ഡല്‍ഹി പോലിസില്‍ പരാതി നല്‍കി. പരാതിയില്‍ ആശാറാം ബാപ്പു തന്നെ ലൈഗിംക ചൂഷണത്തിനിരയാക്കിയതായി പെണ്‍കുട്ടി ആരോപിക്കുന്നു. കേസ് പിന്നീട് ജോധ്പൂര്‍ പോലിസിന് കൈമാറി
2013 ആഗസ്ത് 23: ആശാറാം ബാപ്പുവിന്റെ അനുയായികള്‍ ഡല്‍ഹിയിലെ കമല മാര്‍ക്കറ്റിലെ പോലിസ് സ്‌റ്റേഷന്‍ ആക്രമിക്കുന്നു.
2013 ആഗസ്ത് 31: കേസുമായി ബന്ധപ്പെട്ട് ആശാറാം ബാപ്പു ഇന്‍ഡോറിന്‍ വച്ച് അറസ്റ്റിലാവുന്നു. തുടര്‍ന്ന് ആശാറാം ബാപ്പുവിന്റെ അനുയായികള്‍ വ്യാപക അക്രമാസക്തമായ പ്രതിഷേധങ്ങള്‍ സംഘടിപ്പിക്കുന്നു.
2013 സപ്തംബര്‍ 2: ആശാറാം ബാപ്പുവിനെ ജുഡീഷ്യല്‍ കസ്റ്റഡിയില്‍ വിടുന്നു.
2013 നവംബര്‍ 6: ആശാറാം ബാപ്പുവിനെതിരായും നാല് അനുയായികള്‍ക്കെതിരായുമുള്ള കുറ്റപത്രം ജോധ്പൂര്‍ പോലിസ് സമര്‍പ്പിച്ചു.
2013 നവംബര്‍ 8: രാജസ്ഥാന്‍ ഹൈക്കോടതി കേസിലെ വിചാരണ ആരംഭിക്കാന്‍ ഉത്തരവിട്ടു. എത്രയും പെട്ടെന്ന് കേസിലെ വിചാരണ പൂര്‍ത്തിയാക്കാനും ആവശ്യപ്പെട്ടു.
2014 ഫെബ്രുവരി 7: ആശാറാം ബാപ്പുവിനെതിരായ കേസ് ജോധ്പൂര്‍ കോടതി പരിഗണിച്ചു.
2014 മെയ് 23: ആശാറാം ബാപ്പുവിന്റെ പ്രധാന സഹായിയും കേസിലെ മുഖ്യ സാക്ഷിയുമായ അമൃത് പ്രജാപതിക്ക് വെടിയേറ്റു. ജൂണ്‍ 10ന് അദ്ദേഹം അക്രമിക്കപ്പെട്ട് പരിക്കേല്‍ക്കുകയും ചെയ്തു.
2014 ആഗസ്ത് 19: സുപ്രിംകോടതി ആശാറാം ബാപ്പുവിന്റെ ജാമ്യാപേക്ഷ നിരസിച്ചു.
2015 ജനുവരി 1: സുപ്രിംകോടതി നിര്‍ദേശപ്രകാരം എയിംസിലെ ഏഴംഗ സംഘം ആശാറാം ബാപ്പുവിനെ മെഡിക്കല്‍ പരിശോധന നടത്തി.
2015 ഫെബ്രുവരി: കേസിലെ സാക്ഷികളിലൊരാളായ രാഹുല്‍ കെ സച്ചാന്‍ കോടതിക്ക് പുറത്ത് ആക്രമിക്കപ്പെട്ടു.
2015 മെയ് 14: 2001നും 2005നും ഇടയില്‍ ആശാറാം ബാപ്പുവിന്റെ സഹായിയായിരുന്ന മഹേന്ദ്ര ചൗള, പാനിപത്തിലുള്ള വീട്ടില്‍ വെടിയേറ്റ് മരിച്ചു.
2015 ജൂലൈ 8: സാക്ഷിയായ സുധ പതക് ആശാറാമിന്റെ പ്രവര്‍ത്തനങ്ങളെ കുറിച്ച് അറിവില്ലെന്ന് മൊഴിനല്‍കി
2015 ജൂണ്‍ 10: ആശാറാം ബാപ്പുവിനെതിരേ ജോധ്പൂര്‍ കേസിലെ സാക്ഷിയായ ക്രിപാല്‍ സിങിന് ഷാജഹാന്‍പൂരില്‍ വച്ച് വെടിയേറ്റു, ഒരു ദിവസം കഴിഞ്ഞ് മരിച്ചു.
2018 ഏപ്രില്‍ 7: കേസിലെ അന്തിമവാദം പൂര്‍ത്തിയാക്കി വിധിപറയാനായി മാറ്റി.
2018 ഏപ്രില്‍ 25: വിചാരണക്കോടതിയില്‍ 77കാരനായ ആശാറാം ബാപ്പുവിനെ കുറ്റക്കാരനെന്ന് കണ്ടെത്തി.
ജോധ്പൂര്‍ സെന്‍ട്രല്‍ ജെയിലില്‍ ഒരുക്കിയ താല്‍ക്കാലിക കോടതിയിലെ സ്‌പെഷ്യല്‍ ജഡ്ജി മധുസൂദന്‍ ശര്‍മയാണ് വിധിപറഞ്ഞത്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss