|    Nov 24 Fri, 2017 4:56 pm
FLASH NEWS
Home   >  Kerala   >  

ആളുകള്‍ ഇടിച്ചുകയറി, നിയമസഭാ വെബ്‌സൈറ്റ് നിശ്ചലമായി

Published : 9th November 2017 | Posted By: G.A.G


തിരുവനന്തപുരം: സോളാര്‍ അന്വേഷണ കമ്മീഷന്‍ റിപോര്‍ട്ട് അപ്‌ലോഡ് ചെയ്തതിനു പിന്നാലെ സൈറ്റിലെത്തിയവരുടെ തിരക്കില്‍ നിയമസഭാ വെബ്‌സൈറ്റ് ഹാങ്ങായി. മുന്‍ മുഖ്യമന്ത്രി ഉമ്മന്‍ചാണ്ടി ഉള്‍പ്പെടെയുള്ള യുഡിഎഫ് നേതാക്കള്‍ക്കെതിരെ കടുത്ത പരാമര്‍ശങ്ങളുള്ള റിപോര്‍ട്ട് ഡൗണ്‍ലോഡ് ചെയ്യാനും വായിക്കാനുമായാണ് ആളുകള്‍ സൈറ്റില്‍ ഇടിച്ചുകയറിയത്. ഇംഗ്ലീഷിലുള്ള റിപോര്‍ട്ടിന്റെ നാലു ഭാഗങ്ങളാണ് ആദ്യം സൈറ്റില്‍ പ്രസിദ്ധീകരിച്ചത്. തുടര്‍ന്ന് നിയമസഭാ സമ്മേളനം തീര്‍ന്നതിനുശേഷം മലയാളപതിപ്പും സൈറ്റില്‍ അപ്‌ലോഡ് ചെയ്തു. 386 പേജുകളുള്ള മലയാളപതിപ്പു വന്നതോടെ സൈറ്റ് നിശ്ചലമാവുകയായിരുന്നു. ഏറെ വൈകിയും സൈറ്റിന്റെ നിശ്ചലാവസ്ഥ പരിഹരിക്കാനായിട്ടില്ല. വലുപ്പം കൂടിയ ഫയല്‍ ആയതിനാലാണ് ഡൗണ്‍ലോഡ് ചെയ്തു തുറന്നുവരാന്‍ താമസമെന്നാണു സര്‍ക്കാര്‍ വൃത്തങ്ങളുടെ വിശദീകരണം. നാലു വാല്യങ്ങളിലായി 1,073 പേജുള്ള റിപോര്‍ട്ട് നിയമസഭാ വെബ്‌സൈറ്റില്‍ പ്രസിദ്ധീകരിക്കുമെന്ന് നേരത്തെ സര്‍ക്കാര്‍ അറിയിച്ചിരുന്നു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക