|    Mar 29 Wed, 2017 11:12 am
FLASH NEWS

ആളില്ലാ വിമാനം തുര്‍ക്കി വെടിവച്ചിട്ടു

Published : 17th October 2015 | Posted By: RKN

അങ്കറ: സിറിയന്‍ അതിര്‍ത്തിക്കു സമീപം വ്യോമാതിര്‍ത്തി ലംഘിച്ച അജ്ഞാത വിമാനം തുര്‍ക്കി യുദ്ധവിമാനങ്ങള്‍ വെടിവച്ചിട്ടു. സൈനികേതര കാര്യങ്ങള്‍ക്കായി ഉപയോഗിക്കുന്ന ചെറിയ ആളില്ലാ വിമാനമാണ് വെടിവച്ചിട്ടതെന്ന് ഉദ്യോഗസ്ഥരെ ഉദ്ധരിച്ച് മാധ്യമങ്ങള്‍ റിപോര്‍ട്ട് ചെയ്തു. കൂടുതല്‍ വിവരങ്ങള്‍ പുറത്തുവിട്ടിട്ടില്ല.ഐഎസ് വിരുദ്ധ പോരാട്ടത്തിന്റെ ഭാഗമായി മേഖലയില്‍ റഷ്യയും യുഎസ് നേതൃത്വത്തിലുള്ള സഖ്യസേനയും ഉപയോഗിക്കുന്നതുപോലെ സിറിയന്‍ ഭരണകൂടവും ആളില്ലാ വിമാനങ്ങള്‍ ഉപയോഗിക്കുന്നുണ്ട്. വിമാനം വെടിവച്ചിടുന്നതിനു മുമ്പായി നിയമാനുസൃതമായി മൂന്നു തവണ മുന്നറിയിപ്പ് നല്‍കിയതായി അധികൃതര്‍ അറിയിച്ചു. എന്നാല്‍, തങ്ങളുടെ വിമാനങ്ങള്‍ സുരക്ഷിതമാണെന്നു റഷ്യന്‍ സൈനിക വൃത്തങ്ങള്‍ അറിയിച്ചു.  കഴിഞ്ഞമാസം റഷ്യന്‍ വിമാനം തങ്ങളുടെ വ്യോമാതിര്‍ത്തി ലംഘിച്ചതായി തുര്‍ക്കി ആരോപിച്ചിരുന്നു. എന്നാല്‍, ഇത് അബദ്ധത്തില്‍ സംഭവിച്ചതാണെന്നും നിമിഷങ്ങള്‍ മാത്രമാണ് നീണ്ടുനിന്നതെന്നും റഷ്യ വ്യക്തമാക്കിയിരുന്നു.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day