|    Sep 20 Thu, 2018 5:39 pm
FLASH NEWS

ആളില്ലാത്ത വീട്ടില്‍ നിന്ന് പണവുംസ്വര്‍ണവും കവര്‍ന്നു

Published : 10th January 2018 | Posted By: kasim kzm

മുക്കം: മുക്കം പോലിസ് സ്റ്റേഷന്‍ പരിധിയിലെ മുരിങ്ങം പുറായില്‍ ആളില്ലാത്ത വീട്ടില്‍ മോഷണം. മുരിങ്ങം പുറായില്‍ പുള്ളിപ്പൊയില്‍ പി വി പൃഥ്വിരാജിന്റെ വീട്ടിലാണ് കവര്‍ച്ച  നടന്നത്. 50,000 രൂപയും 2 പവന്‍ സ്വര്‍ണാഭരണങ്ങളും നഷ്ടപ്പെട്ടിട്ടുണ്ട്. പൃഥ്വിരാജ് ഹൃദയ സംബന്ധമായ അസുഖത്തെ തുടര്‍ന്ന്  കോഴിക്കോട്ടെ സ്വകാര്യ ആശുപത്രിയില്‍ ചികില്‍സയിലായതിനാല്‍ ശനിയാഴ്ച മുതല്‍ വീട് അടച്ചിട്ടിരിക്കുകയായിരുന്നു. ഇന്നലെ  രാവിലെയാണ്  വീടിന്റ പിറക് വശത്തെ വാതിലിന്റെ പൂട്ട് തകര്‍ത്ത നിലയില്‍ കണ്ടെത്തിയത്.തുടര്‍ന്ന് നടത്തിയ അന്വേഷണത്തിലാണ് പണവും സ്വര്‍ണവും നഷ്ടപ്പെട്ടവിവരമറിഞ്ഞത്. ഉടന്‍ തന്നെ മുക്കം പോലിസില്‍ വിവരമറിയിക്കുകയായിരുന്നു.  പോലിസ് അന്വേഷണമാരംഭിച്ചു. പ്രദേശത്ത് സാമൂഹിക വിരുദ്ധ ശല്യം രൂക്ഷമാണെന്ന് പരാതിയുണ്ട്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss