|    Aug 18 Sat, 2018 8:22 am
FLASH NEWS

ആലപ്പുഴ സ്വദേശികള്‍ കഞ്ചാവുമായി കുമളിയില്‍ പിടിയില്‍

Published : 14th June 2017 | Posted By: fsq

 

കുമളി: ആലപ്പുഴ സ്വദേശികളായ നാലു യുവാക്കള്‍ കഞ്ചാവുമായി എക്‌സൈസ് ഉദ്യോഗസ്ഥരുടെ പിടിയിലായി.അമ്പലപ്പുഴ പഴവീട് സ്വദേശികളായ ശേഖരം ഹൗസില്‍ അഖില്‍ (24), മഠത്തില്‍ പറമ്പില്‍ ഗൗതം (19), സാന്ദ്ര ഹൗസ് രാഘവ് ശങ്കര്‍ (23), കൈനകരി ആറ്റുവായ്ത്തല കായല്‍പ്പുറം സനീഷ് ഭാസി (24) എന്നിവരാണ് പിടിയിലായത്. ഇവര്‍ സഞ്ചരിച്ചിരുന്ന കെ.എല്‍ 4 എ.എച്ച് 1624 നമ്പര്‍ രജിസ്‌ട്രേഷനിലുള്ള കാറിന്റെ ഇന്ധന ടാങ്കില്‍ ഒളിപ്പിച്ചിരുന്ന നൂറു ഗ്രാം കഞ്ചാവും കണ്ടെടുത്തു. സുഹൃത്തുക്കളായ നാല്‍വര്‍ സംഘം കൊടൈക്കനാലിന് വിനോദ യാത്ര പോയി നാട്ടിലേക്ക് മടങ്ങി വരുന്നതിനിടെയാണ് കഞ്ചാവുമായി പിടിയിലായത്. സ്വന്തം ഉപയോഗത്തിനായി തമിഴ്‌നാട്ടിലെ കമ്പത്തു നിന്നുമാണ് കഞ്ചാവ് വാങ്ങിയതെന്ന് പിടിയിലായവര്‍ മൊഴി നല്‍കി. പ്രതികളെ പീരുമേട് കോടതിയില്‍ ഹാജരാക്കി. കുമളി എക്‌സൈസ് ഇന്‍സ്‌പെക്ടര്‍ ഇ പി സിബി, പ്രിവന്റീവ് ഓഫിസര്‍ ഷാഫി അരവിന്ദാക്ഷന്‍, രാജേഷ് കുമാര്‍ വി ആര്‍, ഷൈന്‍ എഫ്,സുരേന്ദ്രന്‍ കെ എ എന്നിവര്‍ ചേര്‍ന്നാണ് കഞ്ചാവ് പിടികൂടിയത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss