|    Jan 19 Thu, 2017 1:46 am
FLASH NEWS

ആലത്തൂര്‍ ദേശീയപാത സ്വാതി ജങ്ഷനില്‍ വീണ്ടും അപകടം; യുവാവിന് ഗുരുതര പരിക്ക്

Published : 20th December 2015 | Posted By: SMR

ആലത്തൂര്‍: ആലത്തൂര്‍ ദേശീയ പാത സ്വാതി ജങ്ഷനില്‍ വീ ണ്ടും അപകടം. ബൈക്ക് യാത്രക്കാരനായ യുവാവിന് ഗുരുതര പരിക്ക്.
ഇന്നലെ രാവിലെ 11. 20ഓടെയാണ് അപകടം ഉണ്ടായത്. ദേശീയ പാത മുറിച്ചു കടക്കുമ്പോഴായിരുന്നു ബൈക്കി ല്‍ കാറിടിച്ച് അപകടമുണ്ടായത്. കാവശ്ശേരി പത്തനാപുരം സിദ്ദിഖിന്റെ മകന്‍ സാദ്ദിഖ്(24)നാണ് ഗുരുതരമായി പരിക്കേറ്റത്.ഇയാളെ തൃശൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു.
അപകടത്തെ തുടര്‍ന്ന് ക്ഷുഭിതരായ നാട്ടുകാരും ഓട്ടോ ഡ്രൈവര്‍മാരും ദേശീയ പാത അര മണിക്കൂറോളം ഉപരോധിച്ചു.ആലത്തൂര്‍ ഡി വൈ എ സ് പി ഒ കെ ശ്രീരാമിന്‍ നേതൃത്വത്തില്‍ പോലിസ് സംഘം സ്ഥലത്തെത്തി. ഈ മാസം 30നകം ദേശീയ പാത അധികൃതരുമായി സംസാരിച്ച് സിഗ്നല്‍ സംവിധാനം ഒരുക്കാമെന്ന ഉറപ്പിലാണ് ഉപരോധം അവസാനിപ്പിച്ചത്.അയ്യപ്പ ഭക്തര്‍ ഉള്‍പ്പെടെയുള്ള നിരവധി യാത്രക്കാര്‍ക്ക് ദേശീയ പാതയില്‍ നിരന്തരം അപകടം ഉണ്ടായിട്ടും ദേശീയ പാത അധികൃതരുടെ ഭാഗത്തു നി ന്നും യാതൊരു നടപടിയും ഉണ്ടാവാത്ത സാഹചര്യത്തിലാണ് ജനങ്ങള്‍ ദേശീയ പാത ഉപരോധിച്ചത്.
അപകടം നടന്ന് അരമണിക്കൂര്‍ കഴിഞ്ഞാണ് പോലിസും ഹൈവേ പോലിസും സ്ഥലത്തെത്തിയത്. ഇതും പ്രതിഷേധത്തിന് കാരണമായി. അപകട സമയത്ത് ട്രാഫിക് നിയന്ത്രിക്കുന്നതിന് ഇവിടെ പോലിസ് ഉണ്ടായിരുന്നില്ലെന്നും നാട്ടുകാര്‍ ആരോപിച്ചു.മുന്‍ പഞ്ചായത്ത് പ്രസിഡന്റ് ടി രാജന്റെ നേതൃത്വത്തിലുള്ള സംഘമാണ് റോഡ് ഉപരോധിച്ചത്‌

Share on FacebookShare on Google+Tweet about this on TwitterShare on LinkedIn
(Visited 68 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക