|    Dec 16 Sat, 2017 2:49 pm
FLASH NEWS
Home   >  Todays Paper  >  page 9  >  

ആറ് വയസ്സുകാരന്‍ അല്ലാഹ് എന്ന് ഉച്ഛരിച്ചു; ടീച്ചര്‍ പോലിസിനെ വിളിച്ചു

Published : 4th December 2017 | Posted By: kasim kzm

ഹൂസ്റ്റണ്‍: യുഎസിലെ ടെക്‌സസില്‍ ആറ് വയസ്സുകാരന്‍ ക്ലാസ്മുറിയില്‍ അല്ലാഹ് എന്ന് ഉച്ഛരിച്ചതായി പറഞ്ഞ്് അധ്യാപിക പോലിസിനെ വിളിച്ചു. ജന്‍മനാ ഡൗണ്‍സിന്‍ഡ്രം ബാധിച്ച ആറു വയസ്സുകാരനായ മുഹമ്മദ് സുലൈമാനെതിരേയാണ് അധ്യാപിക പോലിസിനെ സമീപിച്ചത്. ടെക്‌സസ് തലസ്ഥാനമായ ഹൂസ്റ്റണു സമീപം കുട്ടി നിരവധി തവണ അല്ലാഹ് എന്ന്് പറയുകയും ചില ശബ്ദങ്ങളുണ്ടാക്കുകയും ചെയ്‌തെന്നാണ് അധ്യാപികയുടെ പരാതി. പേള്‍ലാന്‍ഡിലെ ഒരു സ്‌കൂളിലായിരുന്നു സംഭവം. ക്ലാസിലെ സ്ഥിരം അധ്യാപിക രാജിവച്ചതിനെ തുടര്‍ന്ന് പകരം വന്ന അധ്യാപികയാണ് പോലിസിനെ വിളിച്ചതെന്ന് കുട്ടിയുടെ പിതാവ് അറിയിച്ചു. തന്റെ മകന് സംസാരിക്കാനാവില്ലെന്നും ഒരു വയസ്സിന്റെ മാനസിക വളര്‍ച്ച മാത്രമേയുള്ളൂവെന്നും പറഞ്ഞ പിതാവ് പിന്നെ എങ്ങനെയാണ് അധ്യാപിക അവന്‍ സംസാരിച്ചു ശബ്ദമുണ്ടാക്കിയതായി പരാതിപ്പെടുകയെന്ന്് ചോദിച്ചു. അധ്യാപികയുടെ പരാതിയില്‍ നടപടിയൊന്നുമെടുക്കേണ്ടതില്ലെന്ന് പോലിസ് വ്യക്തമാക്കി.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക