|    Jan 21 Sat, 2017 5:49 am
FLASH NEWS

ആറ് ചാക്ക് ലഹരി ഉല്‍പന്നങ്ങളുമായി രണ്ടുപേര്‍ അറസ്റ്റില്‍

Published : 2nd June 2016 | Posted By: SMR

ഇരിട്ടി: തേങ്ങയെന്ന വ്യാജേന കര്‍ണാടകയില്‍ നിന്നു ജില്ലയിലേക്ക് കടത്തുകയായിരുന്ന ആറ് ചാക്ക് നിരോധിത പാന്‍ ഉല്‍പന്നങ്ങളുമായി രണ്ടുപേരെ ഇരിട്ടി പോലിസ് അറസ്റ്റ് ചെയ്തു. നിര്‍വേലിയിലെ പി —കെ ഷെരീഫ്(47), വാഹന ഡ്രൈവര്‍ സതീശന്‍(35) എന്നിവരെയാണ് പിടികൂടിയത്. പാന്‍പരാഗ്, ഹാന്‍സ് തുടങ്ങിയവയാണ് ചാക്കിലുണ്ടായിരുന്നത്.
ചാക്കുകെട്ടുകള്‍ക്ക് മുകളില്‍ തേങ്ങയിട്ടാണ് ലഹരി ഉല്‍പന്നം കടത്തിക്കൊണ്ടുവന്നത്. കേരളത്തില്‍ പാന്‍മസാല നിരോധിച്ചതിനെ തുടര്‍ന്ന് അഞ്ചും ആറും ഇരട്ടി തുകയ്ക്ക് ലഹരി വസ്തുക്കള്‍ വാങ്ങാന്‍ ആളുള്ളതിനാല്‍ കേരള കര്‍ണാടക അതിര്‍ത്തി വഴി വന്‍തോതില്‍ പാന്‍ ഉല്‍പന്നങ്ങള്‍ എത്തുന്നുണ്ട്. കഴിഞ്ഞ ദിവസം ചെക്ക് പോസ്റ്റില്‍ 23 കിലോ പാന്‍ മസാല ബസ്സില്‍ നിന്നു എക്‌സൈസ് സംഘം പിടികൂടിയിരുന്നു. എന്നാല്‍ ഉടമയെ കണ്ടെത്താന്‍ കഴിഞ്ഞില്ല. ഇരിട്ടി ഡി——വൈഎസ്പി കെ സുദര്‍ശന്‍, എസ്‌ഐ കെ സുധീര്‍ തുടങ്ങിയവരുടെ നേതൃത്വത്തിലാണ് ലഹരി ഉല്‍പന്നങ്ങള്‍ പിടികൂടിയത്.——

Share on FacebookShare on Google+Tweet about this on TwitterShare on LinkedIn
(Visited 33 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക