|    May 28 Sun, 2017 8:25 am
FLASH NEWS

ആറന്മുള ക്ഷേത്രപരിസരത്തെ വെള്ളക്കെട്ട് മലിനീകരണത്തിന് കാരണമാവുന്നു

Published : 10th July 2016 | Posted By: SMR

ആറന്മുള: പാര്‍ഥസാരഥി ക്ഷേത്രത്തിന്റെ കിഴക്കേ നടയില്‍ പലഭാഗത്തായുള്ള വെള്ളക്കെട്ട് രൂക്ഷമായ മലിനീകരണം സൃഷ്ടിക്കുന്നു. കിഴക്കേനടയിലെ റോഡിന് ഇരുവശവും കോണ്‍ക്രീറ്റ് ഇട്ടതിനെ തുടര്‍ന്ന് ഏതാനും വര്‍ഷമായി തുടരുന്ന വെള്ളക്കെട്ടിന് ഇതുവരെ പരിഹാരം കാണാന്‍ അധികൃതര്‍ക്ക് കഴിഞ്ഞിട്ടില്ല.
പൊതുമരാമത്ത് വകുപ്പ് നാല് വര്‍ഷം മുന്‍പ് നടപ്പാക്കിയ കോണ്‍ക്രീറ്റിങ്ങാണ് അശാസ്ത്രീയമായ നിര്‍മാണത്തിന്റെ മാതൃകയായി നിലകൊള്ളുന്നത്. മൂര്‍ത്തിട്ട ഗണപതിക്ഷേത്രത്തിന് മുന്‍പിലുള്ള വെള്ളക്കെട്ട് ഒഴിവാക്കുന്നതിന് ഏതാനും മാസങ്ങള്‍ക്ക് മുമ്പ് കലുങ്ക് നിര്‍മ്മിച്ചിരുന്നു. ഇതിന്റെ തുടര്‍പണികള്‍ നടന്ന് വരികയാണ്. ഇതോടെ ഇവിടെയുള്ള വെള്ളക്കെട്ടിന് പരിഹാരമായി. എന്നാല്‍. പള്ളിയോട സേവാസംഘം ഓഫിസിന് മുന്‍പിലുള്ള വെള്ളക്കെട്ട് ഒഴിവാക്കാന്‍ ഇതുവരെ നടപടിയില്ല. ദേവസ്വം ഓഫിസിനോട് ചേര്‍ന്നുള്ള റോഡരികിലൂടെ നേരത്തേ നദിയിലെക്ക് വെള്ളം ഒഴുക്കുന്നതിന് ഓവുചാല്‍ ഉണ്ടായിരുന്നു. എന്നാ ല്‍ ഇത് അടഞ്ഞതും ഇവിടെക്ക് വെള്ളം ഒഴുകുന്നതിന് ആവശ്യമായ ചരിവ് ഇല്ലാത്തതുമാണ് ഇപ്പോഴത്തെ വെള്ളക്കെട്ടിന് കാരണം. പള്ളിയോട സേവാസംഘം നേരത്തേ അധികൃതര്‍ക്ക് പരാതി നല്‍കിരുന്നെങ്കിലും ഇതുവരെ പരിഹാരമായില്ല. ഒരുഭാഗത്ത് കൂത്താടികള്‍ നിറഞ്ഞും മറുവശത്ത് ചെളിപിടിച്ചുമാണ് ഇവിടെ വെള്ളം കെട്ടി നില്‍ക്കുന്നത്. ഇതോടെ കോണ്‍ക്രീറ്റ് ചെയ്തതിന്റെ പ്രയോജനം ഇല്ലാതായി.
പലയിടത്തും വാഹനങ്ങള്‍പോലും പാര്‍ക്ക് ചെയ്യാന്‍ കഴിയാതായിരിക്കുകയാണ്. വള്ളസദ്യകള്‍ ആരംഭിക്കുന്ന 15 മുതല്‍ ഭക്തരുടെ തിരക്ക് ഏറെയുണ്ടാകുന്ന സമയത്ത് ഇതിന് പരിഹാരം കണ്ടില്ലെങ്കില്‍ മാലിന്യവും വെള്ളക്കെട്ടും ഏറെ ബുദ്ധിമുട്ടുണ്ടാക്കും.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day