|    May 28 Sun, 2017 8:48 pm
FLASH NEWS

ആര്‍.എസ്.എസ് പ്രവര്‍ത്തകന്റെ കൊല: രണ്ടുപേര്‍ പിടിയില്‍

Published : 19th May 2017 | Posted By: shins

കണ്ണൂര്‍: കണ്ണൂരില്‍ പയ്യന്നൂരിനടുത്ത് വച്ച് ആര്‍.എസ്.എസ് മണ്ഡല്‍ കാര്യവാഹക് കൊല്ലപ്പെട്ട കേസില്‍ രണ്ടുപേര്‍ പിടിയില്‍. സത്യന്‍, ജിതിന്‍ എന്നിവരാണ് പിടിയിലായത്. കൃത്യം നടത്തിയ  ഏഴംഗ സംഘത്തില്‍ ഇവരും ഉണ്ടായിരുന്നെന്നാണ് കരുതുന്നത്. വ്യാഴാഴ്ച രാത്രിയോടെ പയ്യന്നൂര്‍ റെയില്‍വെ സ്‌റ്റേഷന് സമീപത്തുവച്ചാണ് പോലീസ് ഇവരെ പിടികൂടിയത്. ഇതോടെ കേസില്‍ പിടിയിലായവരുടെയെണ്ണം നാലായി. ഇനി മൂന്നുപേരെക്കൂടി പിടികൂടാനുണ്ട്. അതേസമയം, സത്യന്റെയും ജിതിന്റെയും അറസ്റ്റ് പോലീസ് രേഖപ്പെടുത്തിയിട്ടില്ല. രാമന്തളിയി ആര്‍.എസ്.എസ് മണ്ഡല്‍ കാര്യവാഹക് കക്കംപാറയിലെ ചൂരക്കാട് ബിജുവാണ് കഴിഞ്ഞയാഴ്ച വെട്ടേറ്റ് മരിച്ചത്. കൊലപാതകത്തിന് പുന്നില്‍ സി.പി.എമ്മാണെന്നാണ് ആരോപണം. സി.പി.എം പ്രവര്‍ത്തകന്‍ സി.വി.ധനരാജിനെ വീട്ടുമുറ്റത്ത് വെച്ച് വെട്ടിക്കൊലപ്പെടുത്തിയ കേസില്‍ 12ാം പ്രതിയാണ് മരിച്ച ബിജു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day