|    Nov 15 Thu, 2018 10:06 pm
FLASH NEWS
Home   >  Todays Paper  >  page 7  >  

ആര്‍മി മേജറുടെ ഭാര്യയെ കഴുത്തറുത്ത് കൊന്നു

Published : 24th June 2018 | Posted By: kasim kzm

ന്യൂഡല്‍ഹി: ഡല്‍ഹിയില്‍ സൈനിക ഉദ്യോഗസ്ഥന്റെ ഭാര്യയെ കഴുത്തറുത്തുകൊന്നു. സൗത്ത് വെസ്റ്റ് ഡല്‍ഹിയിലെ ബ്രാര്‍ സ്‌ക്വയറിലെ റോഡിലാണ് ശനിയാഴ്ച രാവിലെ ഇവരുടെ മൃതദേഹം കണ്ടെത്തിയത്.
ഫിസിയോതെറാപ്പിക്കായി കന്റോണ്‍മെന്റിലെ ആശുപത്രിയിലേക്കു പോയതായിരുന്നു ഇവര്‍. രാവിലെ ഔദ്യോഗിക വാഹനത്തിലാണ് ഇവരെ ആശുപത്രിയിലെത്തിച്ചത്. തിരികെ കൊണ്ടുവരാന്‍ ഡ്രൈവറെത്തിയപ്പോള്‍ ആശുപത്രിയില്‍ ഇവരുണ്ടായിരുന്നില്ല. തുടര്‍ന്ന് ഇവരുടെ ഭര്‍ത്താവിനെ അറിയിക്കുകയും അന്വേഷണത്തിനൊടുവില്‍ കന്റോണ്‍മെന്റ് മെട്രോ സ്‌റ്റേഷനു സമീപം മൃതദേഹം കണ്ടെത്തുകയുമായിരുന്നു.
30കാരിയായ ഇവരുടെ ദേഹത്ത് വാഹനം കയറിയിറങ്ങിയ പാടുകളുണ്ട്. കഴുത്തറുത്ത് കൊലപ്പെടുത്തിയശേഷം ദേഹത്തിലൂടെ വാഹനം കയറ്റിയതാവാമെന്ന നിഗമനത്തിലാണ് പോലിസ്. അതേസമയം, ഹോസ്പിറ്റലില്‍ നിന്ന് ഇവര്‍ മറ്റൊരു കാറില്‍ കയറിപ്പോവുന്നതു കണ്ടവരുണ്ട്. പ്രതിയെക്കുറിച്ച് സൂചന ലഭിച്ചതായി പോലിസ് അറിയിച്ചു. കൂടുതല്‍ അന്വേഷണത്തിനായി ഇവരുടെ ഫോണ്‍ പോലിസ് പരിശോധിച്ചുവരുകയാണ്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss