|    Oct 19 Thu, 2017 10:15 pm
FLASH NEWS

ആര്‍പ്പൂക്കരയില്‍ തെരുവ്നായയുടെ കടിയേറ്റ് ഒമ്പതുപേര്‍ക്ക് പരിക്ക്

Published : 6th June 2017 | Posted By: fsq

 

ആര്‍പ്പൂക്കര: തെരുവുനായയുടെ കടിയേറ്റ് ഒമ്പതു പേര്‍ക്കു പരിക്കേറ്റു. ആര്‍പ്പൂക്കര കസ്തൂര്‍ബ ജങ്ഷനു സമീപം ആറാട്ടുകടവ് ഭാഗത്തുള്ള ജോയിയുടെ വീട്ടില്‍ വളര്‍ത്തുന്ന 15ഓളം തെരുവുനായ്ക്കളിലൊന്നാണു പരിസര പ്രദേശത്തെത്തിയവരെ കടിച്ചത്. ഉച്ചയ്ക്ക് 12.30നും വൈകീട്ട് ആറിനുമിടക്കുള്ള സമയങ്ങളിലാണ് പലര്‍ക്കും നായയുടെ കടിയേറ്റത്. രാത്രിയോടെ ഈ നായയെ നാട്ടുകാര്‍ തല്ലിക്കൊന്നു. കസ്തൂര്‍ബ സ്വദേശികളായി തങ്കച്ചന്‍ (54), ജോണ്‍ ചിറയില്‍ (58), രാഘവന്‍ (60), ലൈല (44), ജോയി (50) കസ്തൂര്‍ബ ഭാഗത്ത് പശുവിനെ ചികില്‍സിക്കാനെത്തിയ വെറ്ററിനറി ഡോക്ടര്‍, ഈ ഭാഗത്ത് പഠനസംബന്ധമായ സെന്‍സെടുക്കാനെത്തിയ എസ്എംഇയിലെ മൂന്നു വിദ്യാര്‍ഥിനികള്‍ എന്നിവര്‍ക്കാണു നായയുടെ കടിയേറ്റത്. ഇവര്‍ക്കെല്ലാം മെഡിക്കല്‍ കോളജില്‍ പ്രതിരോധ കുത്തിവയ്പ്പു നല്‍കി.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക