|    Oct 22 Sun, 2017 8:31 am
Home   >  Editpage  >  Second edit  >  

ആര്‍ത്തവക്രമം തെറ്റുന്നു

Published : 29th June 2016 | Posted By: SMR

മനുഷ്യശരീരത്തിന്റെ വളര്‍ച്ചയ്ക്ക് ചില ക്രമങ്ങളുണ്ട്. ആണ്‍കുട്ടികള്‍ക്ക് പ്രായപൂര്‍ത്തിയായാല്‍ മീശ മുളയ്ക്കാന്‍ തുടങ്ങുന്നു, ശബ്ദത്തിന് പൗരുഷമുണ്ടാവുന്നു. ഈ ശാരീരികവളര്‍ച്ചയ്ക്കനുസൃതമായി മാനസികമായും മാറ്റമുണ്ടാവുന്നു. എന്നാല്‍, ഇത് ഏറ്റവും ശ്രദ്ധേയമാവുന്നത് സ്ത്രീശരീരത്തിലാണ്. പെണ്‍കുട്ടി ഋതുമതിയാവുന്നതാണു വളര്‍ച്ചയിലെ സുപ്രധാനഘട്ടം.
ഋതുമതിയാവുകയെന്നാല്‍ പെണ്‍കുട്ടിയുടെ ഗര്‍ഭപാത്രം പ്രത്യുല്‍പാദനത്തിനു സജ്ജമായി എന്നാണര്‍ഥം. എന്നാല്‍, മരണം വരെ ഈ ഊര്‍വരത നിലനില്‍ക്കുകയില്ല. മധ്യവയസ്സ് കഴിഞ്ഞാല്‍ ആര്‍ത്തവചക്രം നില്‍ക്കുന്നു. ആര്‍ത്തവവിരാമം എന്നാണ് ഇതിനു പറയുന്നത്.
പക്ഷേ, കൃത്യമായ പ്രായമാവും മുമ്പ് ആര്‍ത്തവം നിലയ്ക്കുന്നത് അഭിലഷണീയമല്ല. ഈയിടെ നടന്ന ഒരു പഠനത്തില്‍ ഇന്ത്യന്‍ സ്ത്രീകളില്‍ നാലുശതമാനത്തിനും 29-34 വയസ്സിനിടയ്ക്ക് ആര്‍ത്തവവിരാമം സംഭവിക്കുന്നതായി കണ്ടെത്തിയിരിക്കുന്നു. ആര്‍ത്തവവിരാമം സംഭവിക്കേണ്ടത് 45-55 പ്രായത്തിലാണ്. അതിനു മുമ്പേ അതുണ്ടായാല്‍ അസ്വാഭാവികമായ കാരണങ്ങളുണ്ടെന്നാണു മനസ്സിലാക്കേണ്ടത്. ജീവിതശൈലി, ആഹാരക്രമം, പുകവലി, മദ്യപാനം, തൈറോയ്ഡ്, റേഡിയേഷന്‍, പോഷകാഹാരക്കുറവ് ഇതൊക്കെയാണ് കാരണങ്ങളെന്നും കണ്ടെത്തിയിട്ടുണ്ട്. ആര്‍ത്തവക്രമം തെറ്റാന്‍ തുടങ്ങുമ്പോള്‍ ഉറക്കമില്ലായ്മപോലുള്ള ലക്ഷണങ്ങളുമുണ്ടാവും.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക