|    Jan 20 Fri, 2017 11:31 am
FLASH NEWS

ആര്‍ജെഡി എംഎല്‍എയുടെ സ്വത്ത് കണ്ടുകെട്ടി

Published : 29th February 2016 | Posted By: SMR

നവാഡ: ഒളിവില്‍ കഴിയുന്ന ആര്‍ജെഡി എംഎല്‍എ രാജ് ബല്ലബ് യാദവിന്റെ സ്വത്തുക്കള്‍ പോലിസ് കണ്ടുകെട്ടി. പ്രായപൂര്‍ത്തിയാവാത്ത പെണ്‍കുട്ടിയെ ബലാല്‍സംഗം ചെയ്ത കേസില്‍ പ്രതിയാണ് ഇയാള്‍.
ബിഹാര്‍ ഷരീഫ് അഡീഷനല്‍ ജില്ലാ സെഷന്‍സ് ജഡ്ജി രശ്മി ശിഖ, യാദവിന്റെ സ്വത്തുക്കള്‍ കണ്ടുകെട്ടാന്‍ ശനിയാഴ്ച ഉത്തരവിട്ടിരുന്നു. കേസിലെ മറ്റൊരു പ്രതി സുലേഖ ദേവി കുറ്റം സമ്മതിച്ച സാഹചര്യത്തില്‍ പോലിസ് നല്‍കിയ പുതിയ ഹരജിയില്‍ വാദം കേള്‍ക്കുന്നതിനിടെയാണ് ഉത്തരവിട്ടത്. ഫെബ്രുവരി ആറിന് യാദവ് അയാളുടെ വസതിയില്‍വച്ച് തന്റെ പ്രായപൂര്‍ത്തിയാവാത്ത സഹോദരിയെ ബലാല്‍സംഗം ചെയ്‌തെന്ന് ആരോപിച്ച് യുവാവ് പരാതി നല്‍കിയിരുന്നു. ഇതേതുടര്‍ന്നാണ് എംഎല്‍എ ഒളിവില്‍പോയത്.
നവാഡ പോലിസിന്റെ അകമ്പടിയോടെ നളന്ദ പോലിസ് മുഫസില്‍ സ്റ്റേഷന്‍ പരിധിയിലുള്ള യാദവിന്റെ വീട്ടിലെത്തി വസ്തുക്കള്‍ കണ്ടുകെട്ടി. ഫെബ്രുവരി 20ന് മുന്‍കൂര്‍ ജാമ്യാപേക്ഷ തള്ളിയ കോടതി എംഎല്‍എ—ക്കെതിരേ അറസ്റ്റ് വാറന്‍ഡ് പുറപ്പെടുവിച്ചിരുന്നു.

Share on FacebookShare on Google+Tweet about this on TwitterShare on LinkedIn
(Visited 45 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക