|    Aug 22 Wed, 2018 10:00 am
FLASH NEWS
Home   >  Todays Paper  >  Page 4  >  

ആര്‍എസ്എസ് പരിപാടിയില്‍ സിപിഎം, ലീഗ് നേതാക്കള്‍ പങ്കെടുത്തത് വിവാദത്തില്‍

Published : 5th January 2018 | Posted By: kasim kzm

കണ്ണൂര്‍: ആര്‍എസ്എസിന്റെ പോഷകസംഘടനയുടെ പരിപാടിയില്‍ സിപിഎം, ലീഗ് നേതാക്കള്‍ പങ്കെടുത്തത് വിവാദത്തില്‍. ആര്‍എസ്എസിന്റെ പോഷകസംഘടനയായ സേവഭാരതിയുടെ പാനൂര്‍ യൂനിറ്റ് ഓഫിസ് ഉദ്ഘാടനത്തിന്റെ ഭാഗമായി പാനൂര്‍ യുപി സ്‌കൂളില്‍ നടന്ന പരിപാടിയിലാണ് സിപിഎം പാനൂര്‍ ലോക്കല്‍ സെക്രട്ടറിയായ കെ കെ പ്രേമന്‍, മുസ്്‌ലിംലീഗ് നേതാവ് ഇ സലീം, കോണ്‍ഗ്രസ് നേതാവ് ടി കെ അശോകന്‍ തുടങ്ങിയ നേതാക്കള്‍ കൂട്ടത്തോടെ പങ്കെടുത്തത്. ലോക്കല്‍ സെക്രട്ടറി പരിപാടിയില്‍ പങ്കെടുത്ത വിഷയത്തില്‍ വിശദീകരണം തേടുമെന്ന് പാനൂര്‍ ഏരിയാ സെക്രട്ടറി കെ ഇ കുഞ്ഞബ്ദുല്ല വിശദീകരിച്ചിട്ടുണ്ട്. എന്നാല്‍, ജീവകാരുണ്യ പരിപാടിയായതിനാലാണ് പങ്കെടുത്തതെന്നാണ് പ്രേമന്റെ വാദം. നേരത്തെയും ആര്‍എസ്എസ് ബന്ധത്തിന്റെ പേരില്‍ ഇദ്ദേഹത്തിനെതിരേ സിപിഎം നടപടിയെടുത്തിരുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss