|    Sep 26 Wed, 2018 12:12 am
FLASH NEWS
Home   >  Todays Paper  >  page 7  >  

ആരോപണങ്ങള്‍ അടിസ്ഥാനരഹിതമെന്ന്കണ്ടെത്തിയതില്‍ സന്തോഷം: മന്‍മോഹന്‍ സിങ്്‌

Published : 22nd December 2017 | Posted By: kasim kzm

ന്യൂഡല്‍ഹി: 2ജി കേസുമായി ബന്ധപ്പെട്ട ആരോപണങ്ങള്‍ അടിസ്ഥാനരഹിതമെന്നു കണ്ടെത്തിയ കോടതിവിധിയില്‍ സന്തോഷമുണ്ടെന്ന് മുന്‍ പ്രധാനമന്ത്രി മന്‍മോഹന്‍ സിങ്. കോടതി വിധി സ്വയം സംസാരിക്കുന്നവയാണെന്ന് അദ്ദേഹം വ്യക്തമാക്കി. ഒരു തരത്തിലുള്ള ആത്മ പ്രശംസയും തനിക്ക് ആവശ്യമില്ലെന്നും അദ്ദേഹം പറഞ്ഞു. വിധി കേള്‍ക്കാന്‍ പാട്യാല സിബിഐ പ്രത്യേക കോടതിയിലെത്തിയ മുന്‍ കേന്ദ്രമന്ത്രി കനിമൊഴി ആഹ്ലാദത്തോടെയാണു കോടതിയുടെ പുറത്തെത്തിയത്. അടിസ്ഥാനരഹിതമായ ആരോപണങ്ങളുമായാണു താന്‍ ഇത്രയും കാലം വേട്ടയാടപ്പെട്ടതെന്നും കോടതിവിധിയില്‍ സന്തോഷമുണ്ടെന്നും അവര്‍ പ്രതികരിച്ചു.  എ രാജയും വിധിയറിയാന്‍ കോടതിയിലെത്തിയിരുന്നു. പടക്കം പൊട്ടിച്ചും മുദ്രാവാക്യങ്ങള്‍ മുഴക്കിയുമാണ് അനുയായികള്‍ കോടതിവിധിയെ വരവേറ്റത്.  അനുകൂല വിധിയുടെ പശ്ചാത്തലത്തില്‍ 2ജി സ്‌പെക്ട്രം വിതരണവുമായി ബന്ധപ്പെട്ട് 1,06,000 കോടി രൂപയുടെ അഴിമതി നടന്നുവെന്നു റിപോര്‍ട്ട് നല്‍കിയ മുന്‍ സിഐജി വിനോദ് റായ് മാപ്പു പറയണമെന്നു കോണ്‍ഗ്രസ് ആവശ്യപ്പെട്ടു. കെട്ടിച്ചമച്ച ആരോപണങ്ങളുമായാണു ബിജെപി, കോണ്‍ഗ്രസ്സിനെ എതിര്‍ത്തതെന്ന് കോടതിവിധിയോടെ തെളിഞ്ഞതായി കോണ്‍ഗ്രസ് നേതാവ് കപില്‍ സിബല്‍ പ്രതികരിച്ചു. അതേസമയം, 2ജി സ്‌പെക്ട്രം അഴിമതി ആരോപണത്തെ തുടര്‍ന്നു റദ്ദാക്കിയ 122 ടെലികോം ലൈസന്‍സുകളുടെ ഭാവി സംബന്ധിച്ച് അന്വേഷണ സംഘത്തിന്റെ അടുത്തനീക്കം വ്യക്തമായ ശേഷം തീരുമാനിക്കുമെന്നു കേന്ദ്ര ടെലികോം മന്ത്രി മനോജ് സിന്‍ഹ. സിബി ഐ സമര്‍പ്പിക്കുന്ന റിപോര്‍ട്ടിന്റെ അടിസ്ഥാനത്തില്‍ അന്നു ലൈസന്‍സ് സ്വന്തമാക്കിയിരുന്ന കമ്പനികളുമായി ബന്ധപ്പെടുമെന്നും മന്ത്രി വ്യക്തമാക്കി.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss