|    Oct 19 Fri, 2018 2:30 am
FLASH NEWS
Home   >  Todays Paper  >  Page 5  >  

ആരോഗ്യമന്ത്രിക്കെതിരായ ഹരജി വിജിലന്‍സ് തള്ളി

Published : 10th April 2018 | Posted By: kasim kzm

തിരുവനന്തപുരം: ആരോഗ്യമന്ത്രി കെ കെ ശൈലജ മെഡിക്കല്‍ റീ ഇംബേഴ്‌സ്‌മെന്റ് ഇനത്തില്‍ അനധികൃതമായി പണം വാങ്ങിയെന്ന ആരോപണത്തില്‍ കഴമ്പില്ലെന്ന വിജിലന്‍സ് റിപോര്‍ട്ട് തള്ളണമെന്ന ആവശ്യം കോടതി നിരസിച്ചു.
ഭര്‍ത്താവിന്റെ പേരില്‍ മന്ത്രി ചികില്‍സാ ചെലവ് എഴുതിയെടുത്തതില്‍ തെറ്റില്ലെന്ന വിജിലന്‍സ് റിപോര്‍ട്ട് അംഗീകരിച്ചാണു കോടതി നടപടി. 1987 ലെ സര്‍ക്കാര്‍ ഉത്തരവനുസരിച്ചുള്ള ചട്ടങ്ങള്‍ ചൂണ്ടിക്കാണിച്ചാണു ബിജെപി നേതാവ് വി മുരളീധരന്‍ നല്‍കിയ ഹരജി തള്ളിയത്. ശൈലജയുടെ ഭര്‍ത്താവ് കണ്ണൂര്‍ മട്ടന്നൂര്‍ മുന്‍സിപ്പാലിറ്റി മുന്‍ ചെയര്‍മാനും മട്ടന്നൂര്‍ സര്‍ക്കാര്‍ എല്‍പി സ്‌കൂള്‍ മുന്‍ ഹെഡ്മാസ്റ്ററുമായ കെ കെ ഭാസ്‌കരന്‍ വിരമിച്ച ഉദ്യോഗസ്ഥനാണെങ്കിലും റീ ഇംബേഴ്‌സ്‌മെന്റ് വാങ്ങുന്നതില്‍ തെറ്റില്ലെന്നു ചട്ടം പറയുന്നതായും വിജിലന്‍സ് കോടതി നിരീക്ഷിച്ചു. മന്ത്രി ശൈലജ റീ ഇംബേഴ്‌സ്‌മെന്റ് ഇനത്തില്‍ 3,81,776 രൂപ സര്‍ക്കാരില്‍ നിന്നു വാങ്ങിയെടുത്തതില്‍ ചട്ടങ്ങളുടെയും നിയമത്തിന്റെയും ലംഘനമുണ്ടെന്നായിരുന്നു ഹരജിയിലെ ആരോപണം.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss