|    Feb 18 Sun, 2018 12:22 pm
FLASH NEWS

ആയുധപരിശീലന ക്യാംപിനെതിരേ പ്രദേശവാസികള്‍ രംഗത്ത്‌

Published : 29th December 2017 | Posted By: kasim kzm

കൊച്ചി: കാലടി ശ്രീമൂലനഗരം അകവൂര്‍ ഹൈസ്‌കൂളില്‍ ആര്‍എസ്എസിന്റെ നേതൃത്വത്തില്‍ നടക്കുന്ന  ആയുധപരിശീലന ക്യാംപിനെതിരേ പ്രദേശവാസികള്‍ രംഗത്ത്. ആയുധ പരിശീലന ക്യാംപിനെതിരേ പ്രദേശവാസികള്‍ പോലിസിന് പരാതി നല്‍കാനൊരുങ്ങുകയാണ്.
ഏഴു ദിവസം നീണ്ടു നില്‍ക്കുന്ന ആയുധപരിശീലന ക്യാംപിന് അനുമതി നല്‍കിയ സ്‌കൂള്‍ അധികൃതര്‍ക്കെതിരേയും കാലടിയിലും മറ്റ് പ്രദേശങ്ങളിലും വ്യാപകമായി പോസ്റ്ററുകള്‍ പതിപ്പിച്ചിട്ടുണ്ട്. ഫാഷിസ്റ്റ് വിരുദ്ധ മുന്നണിയുടെ നേതൃത്വത്തിലാണ് പോസ്റ്ററുകള്‍ വ്യാപകമായിരിക്കുന്നത്.
ക്യാംപിന് അനുമതി നല്‍കിയ സ്‌കൂള്‍ അധികൃതരുടെ തീരുമാനം പിന്‍വലിക്കുക, ആര്‍എസ്എസ് ആയുധ പരിശീലനത്തിന് സ്‌കൂള്‍ വിട്ടു നല്‍കരുത്, വിദ്യാലയ വിശുദ്ധി കാത്തു സൂക്ഷിക്കുക എന്നിങ്ങനെയാണ് പോസ്റ്ററില്‍ എഴുതിയിരിക്കുന്നത്. ക്യാപിന്റെ പേരില്‍ പ്രദേശത്ത് കഴിഞ്ഞ ദിവസം നടന്ന പിരിവില്‍ കയ്യാങ്കളി ഉണ്ടാവുകയും പിരിവ് നല്‍കാത്തവര്‍ക്കെതിരേ ഭീഷണി മുഴക്കുകയും ചെയ്തതായും ആരോപണമുണ്ട്.
കഴിഞ്ഞ 23ന് ആരംഭിച്ച ക്യാംപ് 31 നാണ് സമാപിക്കുന്നത്. ക്യാംപ് നടക്കുന്ന സ്‌കൂളില്‍ സംസ്ഥാനത്തിന്റെ വിവിധ ഭാഗങ്ങളില്‍ നിന്നും രാത്രിയും മറ്റും വാഹനങ്ങള്‍ വന്ന് പോവുന്നതായി പ്രദേശവാസികള്‍ പറഞ്ഞു. എല്ലാ വര്‍ഷവും ആര്‍എസ്എസിന്റെ ആയുധപരിശീലന ക്യാംപിന് ഈ സ്‌കൂള്‍ വിട്ടുകൊടുക്കാറുണ്ട്.
പിടിഎ മീറ്റിങ്ങില്‍ ക്യാംപിന് സ്‌കൂള്‍ വിട്ട് നല്‍കേണ്ട എന്നഭിപ്രായത്തെ സ്‌കൂള്‍ മാനേജ്‌മെന്റ് അവഗണിക്കുകയായിരുന്നു.  ഇതിനെതിരേ വിവിധ സംഘടനകളും രംഗത്തെത്തിയിട്ടുണ്ട്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss