|    Aug 18 Sat, 2018 5:54 pm
FLASH NEWS

ആയിറ്റി കോളനിയില്‍ അനധികൃത മണ്ണെടുപ്പ്: വൈദ്യുതിത്തൂണുകള്‍ അപകടാവസ്ഥയില്‍

Published : 28th June 2018 | Posted By: kasim kzm

തൃക്കരിപ്പൂര്‍: ആയിറ്റി കോളനിയില്‍ മണ്ണെടുപ്പ് മൂലം വൈദ്യുതി തൂണുകള്‍ അപകടാവസ്ഥയിലായതിനെ തുടര്‍ന്ന് വൈദ്യുതി ബന്ധം വിച്ഛേദിച്ചു.
കോളനിയില്‍ വൈദ്യുതി തൂണുകള്‍ക്കരികെ കുഴിച്ചുള്ള അനധികൃത മണലെടുപ്പ് മൂലം നാല് വൈദ്യുതി തൂണുകള്‍ ഏതുനേരവും മറിഞ്ഞുവീഴാവുന്ന അവസ്ഥയിലാണ്്. മഴകൂടി വരുന്നതോടെ അപകടം മുന്നില്‍ കണ്ടാണ് വൈദ്യുതി വിതരണം നിറുത്തിവെച്ചതെന്ന് വൈദ്യുതി അസി. എന്‍ജിനീയര്‍ കെ സഹജന്‍ വ്യക്തമാക്കി. കോളനിയിലെ 25 വീടുകളെയും കോളനിക്ക് പുറത്തുള്ള ആറ് വീടുകളെയും വൈദ്യുതി മുടക്കം ബാധിക്കും. ഇന്നലെ ഉച്ചയോടെയാണ് വൈദ്യുതി വിതരണം നിര്‍ത്തിവച്ചത്. കോളനിയില്‍ മണ്ണെടുപ്പ് അപകടം വിതക്കുന്നുവെന്ന പരാതിയെ തുടര്‍ന്ന് കഴിഞ്ഞ ദിവസം പഞ്ചായത്ത്, വില്ലേജ്, വൈദ്യുതി അധികൃതര്‍ കോളനി സന്ദര്‍ശിച്ച് ആവശ്യമായ സുരക്ഷാ നിര്‍ദ്ദേശങ്ങള്‍ നല്‍കിയിരുന്നു.
പോലിസ് സഹായവും തേടി. എന്നാല്‍ അടുത്തദിവസവും തൂണുകള്‍ക്കരികില്‍ നിന്ന് അപകടകരമാം വിധം മണ്ണെടുപ്പ് തുടരുന്ന സാഹചര്യത്തിലാണ് വൈദ്യുതി ബന്ധം വിച്ഛേദിച്ചത്. ഫുട്ബാള്‍ ലോകകപ്പ് നടക്കുന്ന സമയമായതിനാല്‍ പോലിസും അധികൃതരും ജാഗ്രത പുലര്‍ത്തുന്നുണ്ട്. അതേസമയം അപകടകരമായ മണ്ണെടുപ്പിനെതിരെ പോലിസ് നടപടി സ്വീകരിക്കുന്നില്ലെന്ന് വ്യാപക ആക്ഷേപമുണ്ട്. അപകടനിലയിലായ തൂണുകളുടെ സുരക്ഷിതത്വം ഉറപ്പുവരുത്തി മാത്രമേ വൈദ്യുതി പുനഃസ്ഥാപിക്കുകയുള്ളൂവെന്ന് വൈദ്യുതി അധികൃതര്‍ അറിയിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss