|    Jul 26 Wed, 2017 2:37 pm
FLASH NEWS
Home   >  Todays Paper  >  page 7  >  

ആഭ്യന്തര കലഹം: മിസോറാമില്‍ ബിജെപി സംഘടനാ തിരഞ്ഞെടുപ്പ് റദ്ദാക്കി

Published : 20th December 2015 | Posted By: SMR

ഐസ്വാള്‍: മിസോറാം ബിജെപിയില്‍ നടത്താനിരുന്ന സംഘടനാ തിരഞ്ഞെടുപ്പ് ആഭ്യന്തര കലഹത്തെത്തുടര്‍ന്ന് മാറ്റിവച്ചു. പ്രസിഡന്റ് സ്ഥാനത്തേക്ക് മല്‍സരരംഗത്തുള്ള നാലുപേരില്‍ വൈസ് പ്രസിഡന്റ് ചാണ്‍ഗുര ജഹാവുവിന് വിജയസാധ്യതയുണ്ടായിരുന്നു. എന്നാല്‍ സംസ്ഥാനത്തിനു പുറത്തുള്ളവര്‍ പ്രഫ. ജോണ്‍ വി ഹൂനയെ വോട്ടെടുപ്പില്ലാതെ പ്രസിഡന്റ് സ്ഥാനത്ത് അവരോധിക്കാന്‍ ശ്രമിച്ചുവെന്ന് ജനറല്‍ സെക്രട്ടറി ഛാന്‍ഹിമ പറഞ്ഞു.
പാര്‍ട്ടി പ്രവര്‍ത്തകര്‍ വോട്ടെടുപ്പ് വേണമെന്ന് ആവശ്യപ്പെട്ട് ബഹളം വച്ചതോടെ തിരഞ്ഞെടുപ്പ് റദ്ദാക്കി പോളിങ് ഉദ്യോഗസ്ഥര്‍ അസമിലേക്ക് പോയി. തിരഞ്ഞെടുപ്പിന്റെ അടുത്ത തിയ്യതി പ്രഖ്യാപിച്ചിട്ടില്ല. വിവരം ബിജെപി ഹൈക്കമാന്‍ഡിനെ അറിയിക്കുമെന്ന് ഛാന്‍ഹിമ പറഞ്ഞു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക