|    Aug 20 Mon, 2018 9:39 pm
FLASH NEWS
Home   >  Todays Paper  >  page 12  >  

ആധാര്‍ നമ്പര്‍ പാന്‍കാര്‍ഡുമായി ബന്ധിപ്പിക്കല്‍ അവസാന തിയ്യതി നാളെ

Published : 29th June 2017 | Posted By: fsq

 

ന്യൂഡല്‍ഹി: രാജ്യത്തെ നികുതിദായകര്‍ തങ്ങളുടെ ആധാര്‍ നമ്പറുമായി പാന്‍ കാര്‍ഡ് ബന്ധിപ്പിക്കുന്നതിനു നല്‍കിയ അവസാന തിയ്യതി നാളെ അവസാനിക്കും. ജൂലൈ 1 മുതല്‍ ആധാറും പാന്‍ കാര്‍ഡും തമ്മില്‍ ബന്ധിപ്പിക്കുന്നതു നിര്‍ബന്ധമാക്കി കേന്ദ്രസര്‍ക്കാര്‍ വിജ്ഞാപനം പുറപ്പെടുവിച്ചു. നിലവിലെ ആദായനികുതി നിയമത്തില്‍ ഭേദഗതി വരുത്തിയാണ് കേന്ദ്രസര്‍ക്കാരിന്റെ നടപടി. ഇതു പ്രകാരം പാന്‍ കാര്‍ഡിന് അപേക്ഷിക്കുമ്പോള്‍ 12 അക്ക ആധാര്‍ നമ്പര്‍ നിര്‍ബന്ധമാണ്. ആധാറും പാന്‍ കാര്‍ഡും തമ്മില്‍ ബന്ധിപ്പിച്ചില്ലെങ്കില്‍ ശനിയാഴ്ച മുതല്‍ ആദായനികുതി അടയ്ക്കാനാവില്ലെന്നും കേന്ദ്ര ധനകാര്യ മന്ത്രാലയം പുറത്തിറക്കിയ വിജ്ഞാപനത്തില്‍ പറയുന്നു. സര്‍ക്കാര്‍ നീക്കം സുപ്രിംകോടതി ശരിവച്ചിട്ടുണ്ട്. ഒരു വ്യക്തി തന്നെ ഒന്നിലധികം പാന്‍ കാര്‍ഡുകള്‍ ഉപയോഗിച്ച് നികുതിവെട്ടിപ്പ് നടത്തുന്നതു തടയുന്നതിനു വേണ്ടിയാണ് സര്‍ക്കാരിന്റെ നടപടി. 2.07 കോടി നികുതിദായകര്‍ ഇതിനകം ആധാര്‍ നമ്പറുമായി പാന്‍ കാര്‍ഡ് ബന്ധിപ്പിച്ചിട്ടുണ്ട്. രാജ്യത്ത് 25 കോടി ആളുകള്‍ക്കാണ് പാന്‍ കാര്‍ഡുള്ളത്. 110 കോടി ജനങ്ങള്‍ ആധാര്‍ എടുത്തുവെന്നാണ് സര്‍ക്കാര്‍ അവകാശപ്പെടുന്നത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss