|    Apr 27 Thu, 2017 12:27 pm
FLASH NEWS

ആദ്യ ശമ്പള ദിനം;ട്രഷറികളില്‍ വന്‍ തിരക്ക്,ചിലയിടങ്ങളില്‍ പെന്‍ഷന്‍ മുടങ്ങി

Published : 1st December 2016 | Posted By: mi.ptk

salary

തിരുവന്തപുരം:നോട്ടുകള്‍ അസാധുവാക്കിയതിന് ശേഷമുള്ള ആദ്യ ശമ്പളദിനത്തില്‍ ബാങ്ക് ജീവനക്കാരും ജനങ്ങളും ഒരേപോലെ ആശങ്കയില്‍. ട്രഷറികളിലും ബാങ്കുകളിലും രാവിലെ മുതല്‍ ശമ്പളവിതരണം തുടങ്ങി. വന്‍ തിരക്കാണ് ട്രഷറികളിലും ബാങ്കുകളിലും അനുഭവപ്പെടുന്നത്. അതേസമയം, ആവശ്യത്തിന് പണമില്ലാത്തതിനാല്‍  ചില ട്രഷറികളില്‍ പെന്‍ഷന്‍ വിതരണം മുടങ്ങി. കോട്ടയം ജില്ലയിലെ ട്രഷറികളിലാണ് പണമെത്താന്‍ വൈകുന്നതുമൂലം പെന്‍ഷന്‍ വിതരണം മുടങ്ങിയത്. തിരുവനന്തപുരം പാറശ്ശാല ട്രഷറിയിലെ പെന്‍ഷന്‍ വിതരണവും മുടങ്ങി. ഇവിടെ ആളുകള്‍ക്ക് ടോക്കണ്‍ നല്‍കി വിടുകയാണ് ചെയ്യുന്നത്.
1000 കോടി രൂപയാണ് ട്രഷറികള്‍ക്കും ബാങ്കുകള്‍ക്കുമായി ആര്‍ബിഐ നല്‍കിയത്. വൈകിട്ട് ആറ് മണിവരെ ട്രഷറികള്‍ പ്രവര്‍ത്തിക്കും. 24000 രൂപയാണ് ആഴ്ചയില്‍ ഒരാള്‍ക്ക് പിന്‍വലിക്കാവുന്ന തുക. ശമ്പളവും പെന്‍ഷനും നല്‍കുന്ന ദിവസമായതിനാല്‍ ജനങ്ങളുടെ തിരക്ക് നിയന്ത്രിക്കാനും ശമ്പളവിതരണത്തില്‍ തടസം നേരിട്ടാല്‍ ജനങ്ങള്‍ രോഷാകുലരാകാനുമുള്ള സാധ്യതയും കണക്കിലെടുത്ത് സംരക്ഷണമാവശ്യപ്പെട്ട ബാങ്ക് അധികൃതര്‍ പോലീസ് സഹായം തേടിയിട്ടുണ്ട്.

                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day