|    May 28 Sun, 2017 6:45 am
FLASH NEWS

ആദ്യറൗണ്ട് അനായാസം കടന്ന് സാനിയ-ഹിംഗിസ് സൂപ്പര്‍ ജോടി

Published : 22nd January 2016 | Posted By: SMR

മെല്‍ബണ്‍: ലോക ഒന്നാംനമ്പര്‍ ഡബിള്‍സ് ജോടിയായ ഇന്ത്യയുടെ സാനിയാ മിര്‍സ-സ്വിറ്റ്‌സര്‍ലന്‍ഡിന്റെ മാര്‍ട്ടിന ഹിംഗിസ് സഖ്യം ആസ്‌ത്രേലിയന്‍ ഓപണില്‍ ജയത്തോടെ തുടങ്ങി. പുരുഷ ഡബിള്‍സില്‍ ഇന്ത്യയുടെ രോഹന്‍ ബൊപ്പണ്ണ- റുമാനിയയുടെ ഫ്‌ളോറിന്‍ മെ ര്‍ജിയ ജോടിയും രണ്ടാംറൗണ്ടില്‍ കടന്നിട്ടുണ്ട്.
ഈ വര്‍ഷം കളിച്ച രണ്ടു ടൂര്‍ണമെന്റുകളിലും കിരീടമണിഞ്ഞ സാനിയ-ഹിംഗിസ് സഖ്യം അനായാസ വിജയമാണ് ആദ്യറൗണ്ടില്‍ നേടിയത്. കൊളംബിയയുടെ മരിയാന ഡോക്യു മരിനോ-ബ്രസീലിന്റെ ടെലിയാന പെരേര സഖ്യത്തെയാണ് ഇന്തോ-സ്വിസ് ജോടി നേരിട്ടുള്ള സെറ്റുകള്‍ക്കു കെട്ടുകെട്ടിച്ചത്. സ്‌കോര്‍: 6-2, 6-3. വിവിധ ടൂര്‍ണമെന്റുകളിലായി സാനിയ-ഹിംഗിസ് സഖ്യത്തിന്റെ തുടര്‍ച്ചയായ 31ാം ജയമാണിത്.
ഉക്രെയ്ന്‍ ജോടിയും സഹോദരിമാരുമായ നാദിയ കിചെനോക്- ല്യുദ്മില കിചെനോക് സഖ്യമാണ് രണ്ടാംറൗണ്ടില്‍ സാനിയ-ഹിംഗിസ് ജോടിയുടെ എതിരാളി.
അതേസമയം, പുരുഷ ഡബിള്‍സില്‍ ബൊപ്പണ്ണ-മെര്‍ജിയ സഖ്യം ആസ്‌ത്രേലിയയുടെ ഒമര്‍ ജസീക്ക -നിക്ക് കിര്‍ഗിയോസ് ജോടിയെയാണ് ആദ്യറൗണ്ടില്‍ തോല്‍പ്പിച്ചത്. സ്‌കോര്‍: 7-5, 6-3.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day