|    Oct 22 Mon, 2018 5:41 pm
FLASH NEWS
Home   >  Sports  >  Football  >  

ആദ്യപകുതിയില്‍ കാളക്കൂറ്റന്മാരെ പിടിച്ചുകെട്ടി ഇറാന്‍

Published : 21st June 2018 | Posted By: mtp rafeek


കസാന്‍: കരുത്തരായ സ്‌പെയ്‌നിനോട് കളിയുടെ ആദ്യ പകുതിയില്‍ ഗോള്‍ വഴങ്ങാതെ ഇറാന്‍. ഇറാന്‍ ഗോള്‍മുഖത്ത് സ്‌പെയിന്‍ നിരന്തര ആക്രമണങ്ങള്‍ നടത്തിയെങ്കിലും എല്ലാം ഇറാന്‍ പ്രതിരോധത്തിന് മുന്നില്‍ തട്ടിത്തകര്‍ന്നു.

ഗ്രൂപ്പ് ബിയില്‍ ഇറാനെതിരെയുള്ള രണ്ടാം മത്സരത്തില്‍ ശക്തരായ സ്പാനിഷ് പടയ്ക്ക് ഇന്ന് ജയിച്ചേ മതിയാകു. സമനിലയും തോല്‍വിയും അവരുടെ പ്രീക്വാര്‍ട്ടര്‍ സാധ്യതകള്‍ക്ക് മങ്ങലേല്‍പ്പിക്കും. അതേസമയം ആദ്യമത്സരത്തില്‍ മൊറോക്കയെ തോല്‍പ്പിച്ച് മൂന്ന് പോയന്റ് അകൗണ്ടിലാക്കിയ ഇറാന് ഇന്നൊരു അട്ടിമറി വിജയം നേടിയാല്‍ പ്രീക്വാര്‍ട്ടര്‍ ഉറപ്പാക്കാം. സമനില പിടിച്ചാലും ഇറാന് പ്രതീക്ഷയ്ക്ക് വകയുണ്ട്.

ആദ്യ മത്സരത്തില്‍ ക്രിസ്റ്റ്യാനോയുടെ ഒറ്റയാള്‍ മികവില്‍ കളിച്ച പോര്‍ച്ചുഗലിനോട് അവസാന നിമിഷത്തിലാണ് സ്‌പെയ്ന്‍ സമനില വഴങ്ങിയിരുന്നത്. അന്താരാഷ്ട്ര മത്സരങ്ങളില്‍ ഇറാനും സ്‌പെയ്‌നും ഇതാദ്യമായാണ് പരസ്പരം ഏറ്റുമുട്ടുന്നത്. സ്‌പെയ്ന്‍ നിരയില്‍ പീക്കെയുടെ നൂറാം മത്സരമാണിത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss