|    Oct 20 Fri, 2017 7:18 am

ആദ്യകലക്ഷന്‍ അര്‍ബുദ രോഗികള്‍ക്ക്

Published : 18th May 2017 | Posted By: fsq

 

ആലുവ: ആലുവയില്‍ നിന്ന് സര്‍വീസ് നടത്തുന്ന നൂറ്റമ്പതോളം ബസുകളുടെ ഉടമകള്‍ ചേര്‍ന്നു കൊച്ചി വീല്‍സ് യുനൈറ്റഡ് സംഘടനക്ക് തുടക്കം കുറിച്ചു. സംഘടനയുടെ പ്രവര്‍ത്തനങ്ങള്‍ കഴിഞ്ഞ ദിവസം ആരംഭിച്ചു. ബസുകളില്‍ നിന്ന് ലഭിക്കുന്ന വരുമാനം മൊത്തമായി കൂട്ടായ്മയുടെ അക്കൗണ്ടില്‍ നിക്ഷേപിക്കും. പിന്നീട് കൃത്യമായ മാനദണ്ഡങ്ങളുടെ അടിസ്ഥാനത്തില്‍ വരുമാനം പങ്കുവയ്്ക്കും. 95 ഉടമകളും അറുനൂറോളം ജീവനക്കാരുമാണ് സംഘടനയിലുള്ളത്. പുതിയ തീരുമാന പ്രകാരം മല്‍സരയോട്ടം പൂര്‍ണമായി ഒഴിവാക്കും. പുതിയ കൂട്ടായ്മ തുടങ്ങിയതിന്റെ ആദ്യ ദിനമായ ബുധനാഴ്ചത്തെ കലക്ഷന്‍ പൂര്‍ണമായി അര്‍ബുദ രോഗികള്‍ക്ക് നല്‍കാനാണ്  തീരുമാനം. ജീവകാരുണ്യ സര്‍വീസ് നടത്തുന്നതിന്റെ ഉദ്ഘാടനം സംഘടനയുടെ രക്ഷാധികാരി എപി ഉദയകുമാര്‍ നിര്‍വഹിച്ചു. ശേഖരിക്കുന്ന പണം ആരോഗ്യമന്ത്രിയെ തന്നെ പങ്കെടുപ്പിച്ച്  കൈമാറാനാണ് തീരുമാനം.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക