|    Jul 23 Sun, 2017 10:02 am
FLASH NEWS
Home   >  Todays Paper  >  page 7  >  

ആദിശങ്കരന്റെ ജന്മദിനം തത്വചിന്താ ദിനമായി ആചരിക്കും

Published : 31st May 2016 | Posted By: SMR

ന്യൂഡല്‍ഹി: ആദിശങ്കരാചാര്യരുടെ ജന്മദിനമായ മെയ് 11 ദേശീയ തത്വചിന്താ ദിനമായി ആചരിക്കാന്‍ കേന്ദ്രസര്‍ക്കാര്‍ ആലോചിക്കുന്നു. ആര്‍എസ്എസിന്റെ നേതൃത്വത്തിലുള്ള സന്നദ്ധ സംഘടനയായ നവോദയം നിര്‍ദേശിച്ചതനുസരിച്ചാണ് കേന്ദ്രം ദിനാചരണം പരിഗണിക്കുന്നതെന്ന് ഒരു ദേശീയ പത്രം റിപോര്‍ട്ട് ചെയ്തു.
ആര്‍എസ്എസ് നേതാവ് പി പരമേശ്വരന്‍ സ്ഥാപിച്ച സംഘടനയുടെ യോഗം കുറച്ചുനാള്‍ മുമ്പാണ് ഈ നിര്‍ദേശം മുന്നോട്ടുവച്ചത്. ഈ ചടങ്ങില്‍ കേന്ദ്ര സാംസ്‌കാരിക സഹമന്ത്രി മഹേഷ് ശര്‍മ മുഖ്യാതിഥിയായിരുന്നു.
ആര്‍എസ്എസ് ജോയിന്റ് സെക്രട്ടറി കൃഷ്ണ ഗോപാല്‍, അഖിലേന്ത്യാ സഹപ്രചാര്‍ പ്രമുഖ് ജെ നന്ദകുമാര്‍ എന്നിവരും യോഗത്തില്‍ പങ്കെടുത്തിരുന്നു. ആദിശങ്കരന്റെ ജന്മദിനം ദേശീയ തത്വചിന്താ ദിനമായി ആചരിക്കാനുള്ള നിര്‍ദേശം ലഭിച്ചിട്ടുണ്ടെന്നും അത് സര്‍ക്കാര്‍ പരിഗണിച്ചുവരികയാണെന്നും മന്ത്രി ശര്‍മ പറഞ്ഞതായി പത്രം റിപോര്‍ട്ട് ചെയ്തു.
എഡി 788ല്‍ കാലടിയില്‍ ജനിച്ച ആദിശങ്കരാചാര്യര്‍ അദൈ്വത ദര്‍ശനത്തിന്റെ പ്രയോക്താവാണ്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക