|    Aug 17 Fri, 2018 9:28 am

ആദിവാസി കോളനിയിലെ അങ്കണവാടി പ്രവര്‍ത്തിക്കുന്നില്ല

Published : 29th July 2018 | Posted By: kasim kzm

പെരുമ്പാവൂര്‍: പൊങ്ങന്‍ചുവട് ആദിവാസി കോളനിയിലെ അങ്കണവാടി പ്രവര്‍ത്തിക്കുന്നില്ലെന്ന് ആരോപണം.
വേങ്ങൂര്‍ പഞ്ചായത്തിലെ ആറാം വാര്‍ഡില്‍ പൊങ്ങന്‍ചുവട് ആദിവാസി കോളനിയിലെ അങ്കണവാടി പ്രവര്‍ത്തിച്ചിട്ട് ഒരു മാസത്തിലേറെയായി. അംഗന്‍വാടി വര്‍ക്കര്‍ ഇല്ലാത്തതാണ് കാരണം പറയുന്നത്. എന്നാല്‍ 2017-18 വര്‍ഷത്തില്‍ മൂന്ന് വര്‍ക്കര്‍മാര്‍ അവിടെ ജോലിയില്‍ പ്രവേശിച്ചിട്ടുള്ളതാണ്.
നാട്ടില്‍ ഒഴിവു വരുന്ന മുറക്ക് ഈ അങ്കണവാടിയില്‍ താല്‍ക്കാലികമായിട്ടാണെങ്കിലും ആളെ നിയമിക്കുന്നതിനു മുമ്പായി ഉദ്യോഗസ്ഥരെ സ്വാധീനിച്ച് സ്ഥലം മാറി പോവുക പതിവാണെന്നാണ് ആരോപണം. ഇക്കാരണത്താല്‍ വളരെക്കുറച്ച് പ്രവൃത്തി ദിവസങ്ങളെ ഉണ്ടായിട്ടുള്ളൂ. 12ഓളം കുട്ടികള്‍ ഇവിടെ പഠിക്കുന്നുണ്ട്. പഠനകാര്യത്തില്‍ മുന്തിയ പരിഗണന നല്‍കേണ്ട ആദിവാസി ഊരുകളില്‍ ഈ പ്രവണത അവസാനിപ്പിക്കണമെന്നും സ്ഥിരമായി വര്‍ക്കറെ നിയമിക്കുന്നതിന് വേണ്ട നടപടി ഉണ്ടാകണമെന്നും ഗ്രാമപ്പഞ്ചായത്ത് പ്രസിഡന്റ് എം എ ഷാജി ആവശ്യപ്പെട്ടു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss