|    Oct 16 Tue, 2018 4:47 am
FLASH NEWS
Home   >  National   >  

ആദിത്യനാഥിന് തിരിച്ചടി; മാംസാഹാരം നിഷേധിക്കാന്‍ സര്‍ക്കാരിന് അവകാശമില്ലെന്ന് കോടതി

Published : 12th May 2017 | Posted By: shins

ലക്‌നോ: യുപിയില്‍ അറവുശാലകള്‍ അടച്ചുപൂട്ടാനുള്ള ബിജെപി സര്‍ക്കാര്‍ നടപടിക്ക് തിരിച്ചടി. ജനങ്ങള്‍ക്ക് മാംസാഹാരം നിഷേധിക്കാന്‍ സര്‍ക്കാരിന് അവകാശമില്ലെന്നും സംസ്ഥാനത്ത് അറവുശാലകളുടെ പ്രവര്‍ത്തനം ഉറപ്പുവരുത്തുകയെന്നത് സര്‍ക്കാരിന്റെ ഉത്തരവാദിത്വമാണെന്ന് അലഹാബാദ് ഹൈക്കോടതി വിധിക്കുകയായിരുന്നു. അറവുശാലകള്‍ പൂട്ടുന്നതിനു പകരം പുതിയതു തുറക്കുകയാണ് വേണ്ടതെന്നും കോടതി വിധിയില്‍ വ്യക്തമാക്കി. കാലാവധി അവസാനിച്ച അറവുശാലകള്‍ക്ക് സര്‍ക്കാര്‍ ലൈസന്‍സ് പുതുക്കി നല്‍കണം. ഉത്തര്‍പ്രദേശില്‍ യോഗി ആദിത്യനാഥ് മുഖ്യമന്ത്രിയായി അധികാരമേറ്റശേഷം അറവുശാലകള്‍ വ്യാപകമായി അടച്ചുപൂട്ടിയിരുന്നു. വിമര്‍ശനങ്ങള്‍ ഉയര്‍ന്നപ്പോള്‍ അനധികൃതമായി പ്രവര്‍ത്തിക്കുന്ന അറവുശാലകള്‍ മാത്രമാണ് അടച്ചുപൂട്ടിയതെന്നായിരുന്നു സര്‍ക്കാരിന്റെ വാദം. ആദിത്യനാഥിന്റെ പ്രകടന പത്രികയിലെ മുഖ്യവാഗ്ദാനമായിരുന്നു അറവുശാലകള്‍ അടച്ചുപൂട്ടുക എന്നത്. ജസ്റ്റിസുമാരായ എപി ഷാഹി, സഞ്ജയ് ഫര്‍കൗലി എന്നിവരടങ്ങിയ ബെഞ്ചാണ് വിധി പുറപ്പെടുവിച്ചത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss