|    Jun 22 Fri, 2018 8:47 pm
FLASH NEWS
Home   >  Todays Paper  >  page 9  >  

ആണവ കരാര്‍: യുഎസ് ഒഴികെയുള്ളവര്‍ കൂടിക്കാഴ്ച നടത്തി

Published : 27th May 2018 | Posted By: kasim kzm

വിയന്ന: ഇറാന്‍ ആണവ കരാറില്‍ ഒപ്പുവച്ച യുഎസ് ഒഴികെയുള്ള രാഷ്ട്രങ്ങളുടെ പ്രതിനിധികള്‍ കൂടിക്കാഴ്ച നടത്തി. ഓസ്ട്രിയന്‍ തലസ്ഥാനമായ വിയന്നയിലായിരുന്നു കൂടിക്കാഴ്ച. ഇറാന്റെ ആവശ്യപ്രകാരമാണ് ബ്രിട്ടന്‍, ചൈന, റഷ്യ, ഫ്രാന്‍സ്, ജര്‍മനി രാജ്യങ്ങളുടെയും യൂറോപ്യന്‍ യൂനിയന്റെയും പ്രതിനിധികള്‍ കൂടിക്കാഴ്ചയ്‌ക്കെത്തിയത്. ആണവകരാറില്‍ നിന്നുള്ള യുഎസിന്റെ ഏകപക്ഷീയമായ പിന്‍മാറ്റത്തെത്തുടര്‍ന്നുള്ള ആശയക്കുഴപ്പങ്ങള്‍ തുടരുന്നതിനിടെയാണ് നടപടി. ആണവ കരാറിന്റെ ഭാവി സംബന്ധിച്ചും സ്വീകരിക്കേണ്ട നടപടികള്‍ സംബന്ധിച്ചും കൂടിക്കാഴ്ചയില്‍ ചര്‍ച്ച നടത്തി.
അതേസമയം, യുഎസ് പിന്‍മാറിയെങ്കിലും ആണവകരാര്‍ സംബന്ധിച്ച് ഇറാന് ഇനിയും പ്രതീക്ഷകള്‍ ഏറെയാണെന്ന് ഇറാന്‍ വിദേശകാര്യമന്ത്രാലയം പ്രതികരിച്ചു. കരാറില്‍ പങ്കാളികളായ മറ്റു രാജ്യങ്ങളു—ടെ പ്രതിനിധികളുമായി നടത്തിയ ചര്‍ച്ചകള്‍ക്കു ശേഷമാണ് ഇറാന്‍ വിദേശകാര്യ ഉപമന്ത്രി അബ്ബാസ് അരഗ്ച്ചി ഇക്കാര്യം വ്യക്തമാക്കിയത്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss