|    May 25 Thu, 2017 12:29 pm
FLASH NEWS

ആഡംബര കാറില്‍ കടത്തിയ 175 ലിറ്റര്‍ സ്പിരിറ്റ് പിടികൂടി

Published : 6th February 2016 | Posted By: SMR

പത്തനംതിട്ട: ആഢംബരക്കാറില്‍ കടത്തിയ 175 ലിറ്റര്‍ സ്പിരിറ്റ് പിടികൂടി. സംഭവവുമായി ബന്ധപ്പെട്ട് രണ്ടുപേരെ അറസ്റ്റ് ചെയ്തു. കൊട്ടാരക്കര പുലിപ്പാറ പുള്ളിപ്പച്ച തൈക്കാവു മുക്ക് ഫഹദ് ലാന്‍ഡില്‍ അബു ഫഹദ് (24), നെടുമങ്ങാട് പാങ്ങോട് എച്ച്ആര്‍എസ് മന്‍സില്‍ സാജന്‍ (25) എന്നിവരാണ് പിടിയിലായത്.
ഇന്നലെ രാവിലെ 10.30ന് എംസി റോഡില്‍ മുത്തൂരിന് സമീപം വാഹനപരിശോധന നടത്തിയിരുന്ന എക്‌സൈസ് സ്‌പെഷ്യല്‍ സ്‌ക്വാഡാണ് ഷെവര്‍ലെ എന്‍ജോയ് കാറില്‍ കൊണ്ടുവന്ന സ്പിരിറ്റ് പിടികൂടിയത്. 35 ലിറ്റര്‍ കൊള്ളുന്ന അഞ്ചു കന്നാസുകളില്‍ നിറച്ച സ്പിരിറ്റ് കാറിന്റെ പിന്നിലെ സീറ്റിന് അടിയിലും ഡിക്കിയിലുമായിട്ടാണ് സൂക്ഷിച്ചിരുന്നത്. എറണാകുളത്തു നിന്നു തിരുവനന്തപുരത്തേക്ക് കൊണ്ടു വരികയായിരുന്നു സ്പിരിറ്റ്. എക്‌സൈസ് പത്തനംതിട്ട സ്‌പെഷ്യല്‍ സ്‌ക്വാഡ് അസി. കമ്മിഷണര്‍ മുരളീധരന്‍ നായര്‍ക്ക് കിട്ടിയ രഹസ്യവിവരത്തിന്റെ അടിസ്ഥാനത്തില്‍ സിഐ അശോക് കുമാര്‍, സിവില്‍ ഓഫിസര്‍മാരായ ഗിരീഷ്, രാജേഷ്, ആനന്ദരാജ്, പരീത്, ഹരികുമാര്‍, വിജയദാസ് എന്നിവര്‍ ചേര്‍ന്നാണ് പ്രതികളെ പിടികൂടിയത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day