|    Nov 21 Wed, 2018 1:39 pm
FLASH NEWS
Home   >  Todays Paper  >  page 12  >  

ആഡംബര കപ്പല്‍ ഡിസംബറില്‍ കൊച്ചിയില്‍ നിന്ന് പുറപ്പെടും

Published : 18th October 2018 | Posted By: kasim kzm

കൊച്ചി: പ്രശസ്ത ക്രൂയിസ് കമ്പനിയായ സെലിബ്രിറ്റി ക്രൂയിസിന്റെ നവീകരിച്ച ആഡംബര കപ്പല്‍ സെലിബ്രിറ്റി കോണ്‍സ്റ്റലേഷന്‍ ഡിസംബറില്‍ കൊച്ചിയില്‍ നിന്നും മുംബൈയില്‍ നിന്നും വിനോദസഞ്ചാരികളുമായി പര്യടനത്തിനു പുറപ്പെടുന്നു. കൊച്ചിയില്‍ നിന്നും മുംബൈയില്‍ നിന്നും പുറപ്പെട്ട് യഥാക്രമം ആറും എട്ടും ദിവസത്തിനു ശേഷം തിരിച്ചെത്തുന്ന ക്രൂയിസ് ഷിപ് ഇന്ത്യയിലെയും യുഎഇയിലെയും വിവിധ തുറമുഖങ്ങള്‍ സന്ദര്‍ശിക്കും.
ദുബയില്‍ രണ്ടു ദിവസവും അബൂദബിയിലും മുംബൈയിലും ഓരോ ദിവസവും രാത്രി താമസമുണ്ടായിരിക്കും. ദുബയില്‍ ക്രിസ്മസ്-ന്യൂഇയര്‍ ആഘോഷങ്ങള്‍ക്ക് വിപുലമായ പരിപാടികള്‍ ആവിഷ്‌കരിച്ചിട്ടുണ്ടെന്ന് സെലിബ്രിറ്റി ക്രൂയിസിന്റെ ഇന്ത്യയിലെ പ്രതിനിധികളായ തിരുണ്‍ ട്രാവല്‍ മാര്‍ക്കറ്റിങിന്റെ ചീഫ് എക്‌സിക്യൂട്ടീവ് രത്‌ന ഛദ്ദ അറിയിച്ചു.
ആഡംബര സൗകര്യങ്ങള്‍ കൊണ്ട് സമ്പന്നമായ മില്ലേനിയം ക്ലാസ് കപ്പലായ സെലിബ്രിറ്റി കോണ്‍സ്റ്റലേഷനില്‍ വിനോദത്തിനുള്ള വിപുലമായ സൗകര്യങ്ങളാണുള്ളത്. ഇന്ത്യന്‍ വിഭവങ്ങളും സ്റ്റാന്റേര്‍ഡ് ബിവറേജസും ലഭ്യമാകുന്ന ഭക്ഷണശാലകള്‍, നൂതനമായ ശബ്ദ-ദൃശ്യാനുഭവം നല്‍കുന്ന ആധുനിക തിയേറ്റര്‍, വിശാലമായ റൂഫ്‌ടോപ് ലോഞ്ച്, കുട്ടികളുടെ കളിസ്ഥലം, സ്വിമ്മിങ് പൂള്‍, സ്‌പോര്‍ട്‌സ് ആന്റ് ഫിറ്റ്‌നസ് സെന്റര്‍ തുടങ്ങിയ സൗകര്യങ്ങള്‍ യാത്രികര്‍ക്ക് ജീവിതത്തിലെ ഏറ്റവും അവിസ്മരണീയമായ അനുഭവങ്ങള്‍ സമ്മാനിക്കുമെന്ന് രത്‌ന ഛദ്ദ പറഞ്ഞു. ഇന്ത്യയിലെ മുന്‍നിര ട്രാവല്‍ മാര്‍ക്കറ്റിങ് കമ്പനിയായ തിരുണ്‍, റോയല്‍ കാരിബീയന്‍ ക്രൂയിസിന്റെയും സെലിബ്രിറ്റി ക്രൂയിസിന്റെയും അസമാര ക്ലബ് ക്രൂയിസിന്റെയും ഇന്ത്യയിലെ പ്രതിനിധികളാണ്.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss