|    Nov 19 Mon, 2018 6:14 am
FLASH NEWS
Home   >  Todays Paper  >  Page 4  >  

അഹിന്ദുക്കളുടെയും അവിശ്വാസികളുടെയും ശബരിമല പ്രവേശനം തടയണമെന്ന്

Published : 25th October 2018 | Posted By: kasim kzm

കൊച്ചി: അഹിന്ദുക്കളും അവിശ്വാസികളും ശബരിമലയില്‍ പ്രവേശിക്കുന്നത് തടയണമെന്ന് ആവശ്യപ്പെട്ട് സംഘപരിവാര സൈദ്ധാന്തികന്‍ ടി ജി മോഹ ന്‍ദാസ് ഹൈക്കോടതിയെ സമീപിച്ചു. ഹിന്ദു സ്ത്രീകള്‍ക്ക് ശബരിമലയില്‍ പ്രവേശിക്കാനുള്ള അനുമതിയാണ് ഉത്തരവിലൂടെ സുപ്രിംകോടതി നല്‍കിയതെങ്കിലും അവിശ്വാസികള്‍ക്കാണ് സംരക്ഷണം നല്‍കുന്നതെന്ന് ചൂണ്ടിക്കാട്ടിയാണ് ഹരജി. ഹരജിയില്‍ വിശദീകരണം തേടിയ കോടതി തുടര്‍ന്ന് ശബരിമലയുമായി ബന്ധപ്പെട്ട മറ്റ് വിഷയങ്ങള്‍ക്കൊപ്പം പരിഗണിക്കാനായി ഹരജി മാറ്റി. സുപ്രിം കോടതി ഉത്തരവിന്റെ മറവില്‍ അഹിന്ദുക്കളും അവിശ്വാസികളുമായ സ്ത്രീകളെ പ്രവേശിപ്പിക്കാനുള്ള ശ്രമമാണ് പോലിസ് നടത്തിയതെന്ന് ഹരജിയില്‍ ആരോപിക്കുന്നു. തുലാംമാസ പൂജയ്ക്ക് നട തുറന്നതിനോട് അനുബന്ധിച്ചുണ്ടായ അനിഷ്ട സംഭവങ്ങളില്‍ നിന്ന് ഇത് വ്യക്തമാണ്. അയ്യപ്പഭക്തരുടെ വികാരങ്ങളെ വ്രണപ്പെടുത്തുന്ന സംഭവങ്ങളാണ് ഉണ്ടായതെന്നും ഹരജി പറയുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss