|    May 22 Tue, 2018 11:05 pm
FLASH NEWS
Home   >  Todays Paper  >  page 9  >  

അസ്മ ജഹാംഗീര്‍ അന്തരിച്ചു

Published : 12th February 2018 | Posted By: kasim kzm

ഇസ്‌ലാമാബാദ്: പാകിസ്താനിലെ പ്രമുഖ അഭിഭാഷകയും മനുഷ്യാവകാശ പ്രവര്‍ത്തകയുമായ അസ്മ ജഹാംഗീര്‍ (അസ്മ ജിലാനി ജഹാംഗീര്‍-66) അന്തരിച്ചു. ഹൃദയാഘാതത്തെ തുടര്‍ന്ന് ലാഹോറിലായിരുന്നു അന്ത്യം. മരണാനന്തര ചടങ്ങുകള്‍ ചൊവ്വാഴ്ച നടത്തുമെന്നു കുടുംബാംഗങ്ങള്‍ അറിയിച്ചു. 1987ല്‍ രൂപീകരിച്ച ഹ്യൂമന്‍ റൈറ്റ്‌സ് കമ്മീഷന്റെ സഹസ്ഥാപകയായിരുന്നു അസ്മ ജഹാംഗീര്‍. 1993 വരെ സംഘടനയുടെ സെക്രട്ടറി ജനറലുമായിരുന്നു. സുപ്രിംകോടതി ബാര്‍ അസോസിയേഷന്‍ പ്രസിഡന്റായും പ്രവര്‍ത്തിച്ചിട്ടുണ്ട്. ദക്ഷിണേഷ്യന്‍ മനുഷ്യാവകാശ സംഘടനയിലും അംഗമായിരുന്നു. 1998 മുതല്‍ 2000 വരെ ഐക്യരാഷ്ട്ര സഭയിലും സേവനമനുഷ്ഠിച്ചു.1952ല്‍ ജനിച്ച അസ്മ ജഹാംഗീര്‍  1978ല്‍ ലാഹോറിലെ ഖാഇദേ അസം ലോ കോളജില്‍ നിന്ന് എല്‍എല്‍ബി നേടി. സ്വിറ്റ്‌സര്‍ലന്‍ഡ്, യുഎസ്, കാനഡ എന്നീ രാജ്യങ്ങളില്‍ നിയമത്തില്‍ ഉന്നത വിദ്യാഭ്യാസത്തിനായി പോയി. ജനറല്‍ സിയാ ഉള്‍ ഹഖിന്റെ പട്ടാള ഭരണകാലത്ത് വീട്ടുതടങ്കലിലാവുകയും ശിക്ഷിക്കപ്പെടുകയും ചെയ്തിട്ടുണ്ട്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss