|    Feb 25 Sun, 2018 7:20 am

അസാധാരണ നടപടിയുമായി ട്രഷറി : കുത്തിയിരിപ്പ് സമരവുമായി പെരുവയലിലെ ജനപ്രതിനിധികള്‍

Published : 13th May 2017 | Posted By: fsq

 

കുറ്റിക്കാട്ടൂര്‍: മാര്‍ച്ച് 31ന് മുമ്പ് ട്രഷറിയില്‍ സമര്‍പ്പിച്ച ഗ്രാമപഞ്ചായത്തിന്റെ പദ്ധതി ബില്ലുകള്‍ രണ്ട് മാസത്തിന് ശേഷം  മടക്കിയ ട്രഷറിയുടെ വിചിത്ര നിലപാടില്‍ പ്രതിഷേധിച്ച് പുതിയറ സബ് ട്രഷറിക്ക് മുമ്പില്‍ ജനപ്രതിനിധികളുടെ കുത്തിയിരിപ്പ് സമരം. പെരുവയല്‍ ഗ്രാമപഞ്ചായത്തിലെ ജനപ്രതിനിധികളാണ് സമരം സംഘടിപ്പിച്ചത്. സോഫ്റ്റ്‌വെയറിന്റെ പേര് പറഞ്ഞാണ് സംസ്ഥാനത്ത് ഇത്തരത്തില്‍ തദ്ദേശ സ്ഥാപനങ്ങളുടെ ബില്ലുകള്‍ മടക്കിയത്. ധനകാര്യവകുപ്പിന് സംഭവിച്ച അപാകതയില്‍ തദ്ദേശ സ്ഥാപനങ്ങള്‍ക്ക് കോടികള്‍ നഷ്ടപ്പെടുന്ന സാഹചര്യമാണുണ്ടായത്. പണം തിരിച്ച് പിടിക്കാനുള്ള ധനവകുപ്പിന്റെ ബോധവപൂര്‍വ്വമായ നീക്കമാണെന്ന് ആരോപിച്ചാണ് ജനപ്രതിനിനിധികള്‍ സമരരംഗത്തിറങ്ങിയത്. സമരം ഡിസിസി. പ്രസിഡന്റ് അഡ്വ.ടി സിദ്ദീഖ് ഉദ്ഘാടനം ചെയ്തു. ഡിസിസി സെക്രട്ടറി ദിനേശ് പെരുമണ്ണ, മുസ്‌ലിംലീഗ് പഞ്ചായത്ത് പ്രസിഡന്റ് ടി പി മുഹമ്മദ്, ജനറല്‍ സെക്രട്ടറി പൊതാത്ത് മുഹമ്മദ് ഹാജി, ബ്ലോക്ക് പഞ്ചായത്ത് പ്രസിഡന്റ് രമ്യ ഹരിദാസ്, അനീഷ് പാലാട്ട് സംസാരിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss