|    Mar 30 Thu, 2017 10:19 pm
FLASH NEWS

അസഹിഷ്ണുത: രാഷ്ട്രപതിക്ക് ആശങ്കബിര്‍ഭം

Published : 20th October 2015 | Posted By: SMR

 പശ്ചിമ ബംഗാള്‍: രാജ്യത്ത് ഭിന്നാഭിപ്രായങ്ങള്‍ സഹിഷ്ണുതയോടെ സ്വീകരിക്കാനുള്ള ശീലം കുറഞ്ഞുവരുന്നതില്‍ രാഷ്ട്രപതി പ്രണബ് മുഖര്‍ജിക്ക് ആശങ്ക. പ്രാദേശിക വാരികയായ നയപ്രാജന്മ’സംഘടിപ്പിച്ച ചടങ്ങില്‍ സംസാരിക്കവെയാണ് രാജ്യത്ത് വളര്‍ന്നുവരുന്ന അസഹിഷ്ണുതയെക്കുറിച്ച് രാഷ്ട്രപതി പ്രതികരിച്ചത്. ഒരു സാഹചര്യത്തിലും രാജ്യം മാനവികതയും ബഹുസ്വരതയും ഉപേക്ഷിക്കരുത്. ഭിന്നസ്വരങ്ങള്‍ സ്വാംശീകരിക്കുകയാണ് ഇന്ത്യന്‍ സമൂഹത്തിന്റെ പ്രത്യേകത. സമൂഹത്തിലെ പൈശാചിക ശക്തികള്‍ക്കെതിരേ ഒന്നിച്ചു പോരാടുകയാണു വേണ്ടത്- രാഷ്ട്രപതി പറഞ്ഞു.നിരവധി വിശ്വാസങ്ങളുണ്ടാവുമ്പോള്‍ നിരവധി വഴികളുമുണ്ടാവുമെന്ന രാമകൃഷ്ണ പരമഹംസരുടെ പാഠങ്ങള്‍ അദ്ദേഹം സദസ്യരെ ഓര്‍മപ്പെടുത്തി.

സഹിഷ്ണുതയാണ് ഇന്ത്യന്‍ സംസ്‌കാരത്തെ 5000 വര്‍ഷം നിലനിര്‍ത്തിയത്. അത് ഭിന്നാഭിപ്രായങ്ങളെയും വ്യത്യസ്ത ആശയങ്ങളെയും സ്വീകരിക്കുന്നതാണ്. നിരവധി ഭാഷകള്‍, 1600 ഉപഭാഷകള്‍, ഏഴു മതങ്ങള്‍ എന്നിവ ഇന്ത്യയില്‍ നിലനിന്നുപോരുന്നു. എല്ല വ്യത്യസ്തതകളും ഉള്‍ക്കൊള്ളുന്ന ഭരണഘടനയാണ് നമുക്കുള്ളത്- രാഷ്ട്രപതി പറഞ്ഞു.മുംബൈയില്‍ പാക് ഗായകന്‍ ഗുലാംഅലിയുടെ പരിപാടിക്കെതിരേയും ഇന്ത്യ-പാക് ക്രിക്കറ്റ് മേധാവികളുടെ ചര്‍ച്ചയ്‌ക്കെതിരേയും ശിവസേന-ബിജെപി സംഘടനകള്‍ നടത്തിയ അക്രമങ്ങളാണ് രാഷ്ട്രപതിയുടെ പ്രസ്താവനയ്ക്കു കാരണമായത്. ദാദ്രി സംഭവത്തിനെതിരേ രണ്ടാഴ്ച മുമ്പാണ് രാഷ്ട്രപതി ശക്തിയായ പ്രതിഷേധം അറിയിച്ചത്.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day