|    Nov 15 Thu, 2018 4:57 am
FLASH NEWS
Home   >  Todays Paper  >  page 7  >  

അസം എന്‍ആര്‍സി അന്തിമ കരട് ജൂലൈ 30 വരെ നീട്ടി

Published : 3rd July 2018 | Posted By: kasim kzm

ന്യൂഡല്‍ഹി: അസമിലെ കുടിയേറ്റ പ്രശ്‌നങ്ങള്‍ക്ക് അറുതിവരുത്താന്‍ തയ്യാറാക്കുന്ന നാഷനല്‍ രജിസ്‌ട്രേഷന്‍ ഓഫ് സിവിലിയന്‍സ് (എന്‍ആര്‍സി) അന്തിമ കരട് പുറത്തിറക്കാനുള്ള തിയ്യതി സുപ്രിംകോടതി നീട്ടി. ജൂണ്‍ 30നകം അന്തിമ കരടുരൂപം പുറത്തിറക്കണമെന്നിരിക്കെ, സംസ്ഥാനത്തെ ബാധിച്ച വെള്ളപ്പൊക്കത്തെത്തുടര്‍ന്ന് എന്‍ആര്‍സിക്ക് കരട് തയ്യാറാക്കാന്‍ കഴിഞ്ഞില്ലെന്ന് എന്‍ആര്‍സി കോ-ഓഡിനേറ്റര്‍ കഴിഞ്ഞയാഴ്ച കോടതിയെ അറിയിച്ചിരുന്നു. തുടര്‍ന്നാണ് വിഷയത്തില്‍ സുപ്രിംകോടതിയുടെ ഇടപെടല്‍. ജൂലൈ 30 വരെയാണ് സമയം നീട്ടിനല്‍കിയത്. ജൂലൈ 30നകം രജിസ്‌ട്രേഷന്‍ പൂര്‍ത്തിയാക്കുമെന്ന് എന്‍ആര്‍സി കേന്ദ്ര-സംസ്ഥാന കോ-ഓഡിനേറ്റര്‍മാര്‍ അറിയിച്ചു. അസമിലെ അനധികൃത കുടിയേറ്റക്കാരെ കണ്ടെത്തുന്നതിനാണ് എന്‍ആര്‍സി തയ്യാറാക്കുന്നത്. സംസ്ഥാന കോ-ഓഡിനേറ്റര്‍ ഹജേലയ്ക്കും കുടുംബാംഗങ്ങള്‍ക്കും ആവശ്യമായ സുരക്ഷ ഉറപ്പാക്കാന്‍ സംസ്ഥാന ചീഫ് സെക്രട്ടറിക്കും അസം ഡിജിപിക്കും നിര്‍ദേശം നല്‍കി. ജൂലൈ 31ന് എല്ലാ അന്തിമ അപേക്ഷകളും പരിഗണിക്കുമെന്ന് കോടതി വ്യക്തമാക്കി.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss