|    Apr 22 Sun, 2018 4:14 pm
FLASH NEWS
Home   >  Todays Paper  >  page 7  >  

അശ്ലീല സൈറ്റുകളില്‍ കഠ്‌വ ബാലികയുടെ വീഡിയോ തിരഞ്ഞ് ഇന്ത്യക്കാരുടെ മനോവൈകൃതം

Published : 17th April 2018 | Posted By: kasim kzm

ന്യൂഡല്‍ഹി: ഇന്ത്യക്കാരുടെ മനോ വൈകൃതം വെളിവാക്കി ജമ്മു കശ്മീരിലെ കഠ്‌വയില്‍ ക്രൂര പീഡനത്തിനിരയായി കൊല്ലപ്പെട്ട പെണ്‍കുട്ടിയുടെ ബലാല്‍സംഗ വീഡിയോയ്ക്കായി അശ്ലീല സൈറ്റുകളില്‍ വന്‍തിരക്ക്.
സംഭവത്തില്‍ രാജ്യവ്യാപകമായി പ്രതിഷേധം അലയടിക്കുന്നതിനിടെയാണ് ബാലികയെ പീഡിപ്പിക്കുന്ന വീഡിയോ തിരഞ്ഞ് അശ്ലീല സൈറ്റുകളില്‍ ഇന്ത്യക്കാര്‍ കൂട്ടമായെത്തിയതെന്ന് ഔട്ട്‌ലുക്ക് റിപോര്‍ട്ട് ചെയ്യുന്നു.
പോണ്‍ സെലിബ്രിറ്റികളേക്കാളും കൂടുതലായിരുന്നു കഠ്‌വ പെണ്‍കുട്ടിക്ക് വേണ്ടിയുള്ള തിരച്ചില്‍. ഇന്നലെ രാത്രി ഒന്നാം സ്ഥാനത്തായിരുന്ന കഠ്‌വ പെണ്‍കുട്ടി ഇന്നലെ രാവിലെ രണ്ടാമതെത്തിയെങ്കിലും വീണ്ടും ഒന്നാമതാവുകയായിരുന്നു.
പെണ്‍കുട്ടിയുടെ പേരിനോടൊപ്പം എംഎംഎസ്, റേപ്പ്, ക്ലിപ്പ്, മുസ്്‌ലിം തുടങ്ങിയ പദങ്ങള്‍ കൂടി ചേര്‍ത്തായിരുന്നു വൈബ്‌സൈറ്റിലെ തിരച്ചില്‍. അശ്ലീല വിഡിയോകളും ദൃശ്യങ്ങളും നല്‍കുന്ന ഒരു സൈറ്റില്‍ മാത്രം ഒതുങ്ങിയില്ല ലൈംഗിക വൈകൃതം തേടിയുള്ള തിരച്ചില്‍.
ബാലികയുടെ പേരില്‍ ഇക്കൂട്ടര്‍ ടാഗ് ഉണ്ടാക്കിയിരിക്കയാണ്. ഇപ്പോള്‍ ഇല്ലെങ്കിലും ഇനി അപ്‌ലോഡ് ചെയ്യുകയാണെങ്കില്‍ ഈ ടാഗില്‍ വീഡിയോ ലഭ്യമാകാനാണിത്. മനുഷ്യ മനസ്സാക്ഷിയെ മരവിപ്പിച്ച ക്രൂരകൃത്യം ചെയ്തവര്‍ അത് മൊബൈലില്‍ പകര്‍ത്താന്‍ കൂടി സാധ്യതയുണ്ടെന്നതിനാലായിരിക്കാം ഇത്.
കഠ്‌വ സംഭവത്തില്‍ രാജ്യത്ത് പ്രതിഷേധങ്ങള്‍ ഉയ രുന്നതിനിടെയാണിത്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss