|    Jan 24 Tue, 2017 4:33 am

അവിശ്വസനീയം, ഈ ലെസ്റ്റര്‍;  പ്രയാണം ലെസ്റ്ററിന്റെ ചരിത്രത്തിലെ പ്രധാന സംഭവങ്ങള്‍

Published : 4th May 2016 | Posted By: SMR

2015
മാര്‍ച്ച് 21
ടോട്ടനം ഹോട്‌സ്പറിനോട് 3-4നു തോറ്റ ലെസ്റ്റര്‍ ലീഗില്‍ അവസാനസ്ഥാനത്തേക്കു പിന്തള്ളപ്പെട്ടു. തൊട്ടുമുകളിലുള്ള ടീമിനേക്കാള്‍ ഏഴു പോയിന്റ് പിന്നില്‍.
ഏപ്രില്‍ 4
തരംതാഴ്ത്തലില്‍ നിന്നു ലെസ്റ്ററിന്റെ തിരിച്ചുവരവിന് തുടക്കമിട്ട ദിനം. വെസ്റ്റ്ഹാമിനെ 2-1നു പരാജയപ്പെടുത്തി.
ഏപ്രില്‍ 25
ബേണ്‍ലിയെ 1-0നു കീഴടക്കി. സീസണില്‍ ലെസ്റ്ററിന്റെ തുടര്‍ച്ചയായ നാലാം വിജയം. ഇതോടെ തരംതാഴ്ത്തല്‍ മേഖലയില്‍ നിന്നു ലെസ്റ്റര്‍ കരകയറി.
മെയ് 16
സണ്ടര്‍ലാന്‍ഡുമായി ഗോള്‍രഹിത സമനില വഴങ്ങിയെങ്കിലും ലെസ്റ്റര്‍ പ്രീമിയര്‍ ലീഗില്‍ സ്ഥാനം നിലനിര്‍ത്തി.
മെയ് 24
ക്യുപിആറിനെ 5-1നു തുരത്തി ലെസ്റ്റര്‍ സീസണിനു തിരശീലയിട്ടു. അവസാന ഒമ്പതു കളികളില്‍ ഏഴിലും ജയിച്ച ലെസ്റ്റര്‍ ഒന്നില്‍ സമനിലയും തോല്‍വിയുമേറ്റുവാങ്ങി.
ജൂലൈ 13
ക്ലോഡിയോ റെനിയേരി ലെസ്റ്റര്‍ കോച്ചായി ചുമതലയേറ്റു.
ആഗസ്ത് 8
സണ്ടര്‍ലാന്‍ഡിനെ 4-2നു തകര്‍ത്ത് ലെസ്റ്റര്‍ പ്രീമിയര്‍ ലീഗ് സീസണിനു തുടക്കമിട്ടു.
സപ്തംബര്‍ 26
തുടര്‍ച്ചായി ആറു ലീഗ് മല്‍സരങ്ങളില്‍ അപരാജിതരായി കുതിച്ച ലെസ്റ്ററിന് ആഴ്‌സനലിനു മുന്നില്‍ അടിതെറ്റി (2-5).
നവംബര്‍ 21
ന്യൂകാസിലിനെ 3-0നു തകര്‍ത്ത് ലെസ്റ്റര്‍ ലീഗില്‍ തലപ്പത്തേക്കുയര്‍ന്നു.
നവംബര്‍ 28
മാഞ്ചസ്റ്റര്‍ യുനൈറ്റഡുമായി ലെസ്റ്റര്‍ സമനില വഴങ്ങി. ഈ മല്‍സരത്തില്‍ ഗോള്‍ നേടിയതോടെ ലെസ്റ്റര്‍ സ്‌ട്രൈക്കര്‍ ജാമി വാര്‍ഡി റെക്കോഡിട്ടു. തുടര്‍ച്ചയായി 11 ലീഗ് മല്‍സരങ്ങളില്‍ ഗോള്‍ നേടുന്ന ആദ്യതാരം.
2016
ജനുവരി 13
ചില തിരിച്ചടികള്‍ക്കു ശേഷം ടോട്ടനത്തെ 1-0നു തോല്‍പ്പിച്ച് ലെസ്റ്റര്‍ വിജയവഴിയില്‍ തിരിച്ചെത്തി.
ഫെബ്രുവരി 14
ആഴ്‌സനലിനോട് ലെസ്റ്റര്‍ 0-1നു തോറ്റു.
ഫെബ്രുവരി 27
നോര്‍വിച്ചിനെ 1-0നു കീഴടക്കി ലെസ്റ്റര്‍ വീണ്ടും വിജയവഴിയില്‍.
ഏപ്രില്‍ 10
സണ്ടര്‍ലാന്‍ഡിനെ 2-0നു കീഴടക്കി. തുടര്‍ച്ചയായി അഞ്ചു കളികളില്‍ ഗോള്‍ വഴങ്ങാതെ ലെസ്റ്ററിന്റെ കുതിപ്പ്.
ഏപ്രില്‍ 17
വെസ്റ്റ്ഹാമിനെതിരേ 1-2ന്റെ തോല്‍വി മുന്നില്‍കണ്ട ലെസ്റ്റര്‍ അവസാന മിനിറ്റില്‍ ഗോള്‍ മടക്കി സമനിലയോടെ രക്ഷപ്പെട്ടു.
ഏപ്രില്‍ 25
കിരീടപ്പോരില്‍ ലെസ്റ്ററിനു വെല്ലുവിളിയുയര്‍ത്തിയ ഏക ടീം ടോട്ടനം വെസ്റ്റ്‌ബ്രോമുമായി സമനില വഴങ്ങി. ഇതോടെ ശേഷിക്കുന്ന മൂന്നു കളികളിലൊന്നില്‍ ജയിച്ചാല്‍ ലെസ്റ്ററിനു കിരീടം.
മെയ് 1
മാഞ്ചസ്റ്റര്‍ യുനൈറ്റഡുമായി ലെസ്റ്റര്‍ സമനില വഴങ്ങി. എങ്കിലും ചാംപ്യന്‍മാരാവാന്‍ അടുത്ത രണ്ടു കളിലൊന്നില്‍ ജയിച്ചാല്‍ മതി.
മെയ് 2
ടോട്ടനം ചെല്‍സിയുമായി 2-2ന്റെ സമനില വഴങ്ങി. കിരീടം ലെസ്റ്ററിന്റെ ഷെല്‍ഫിലേക്ക്.

Share on FacebookShare on Google+Tweet about this on TwitterShare on LinkedIn
(Visited 74 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക