|    Jul 22 Sun, 2018 2:12 am
FLASH NEWS

അവധി ദിനം മുതലെടുത്ത് ഓട്ടുപാറയില്‍ കൃഷി ഭൂമി മണ്ണിട്ട് നികത്തുന്നു

Published : 31st March 2018 | Posted By: kasim kzm

വടക്കാഞ്ചേരി: ഓട്ടുപാറ നഗര മധ്യത്തില്‍പ്പെട്ട സ്ഥലത്തുള്ള കൃഷിഭൂമി അനധികൃതമായി മണ്ണിട്ടു നികത്തുന്നു. കുമരനെല്ലൂര്‍ വില്ലേജിനു കീഴിലുള്ള ഓട്ടുപാറയിലെ സ്വകാര്യ ഭൂമിയാണ് അവധി ദിനങ്ങള്‍ മുന്നില്‍ കണ്ട് വന്‍തോതില്‍ നികത്തുന്നത്. വില്ലേജ് ഓഫിസറോ കൃഷി ഓഫിസറോ അനുമതി നല്‍കാത്ത പാടശേഖരത്തിലാണ് രാത്രിയും പകലുമായി മണ്ണിട്ടു നികത്തുന്നത്.
വടക്കാഞ്ചേരി നഗരസഭയില്‍പ്പെട്ട വയലുകളാണ് നികത്തുന്നത്. കെഎന്‍യു ആക്ട് പ്രകാരം 2008ലെ ഉത്തരവ് പ്രകാരം നികത്തിയ വയലുകള്‍ കൊമേഴ്‌സ്യല്‍ ആവശ്യങ്ങള്‍ക്കായി കെട്ടിടം നിര്‍മിക്കാന്‍ അനുമതി നല്‍കാം. എന്നാല്‍ ഈ ഉത്തരവ് നടപ്പിലാക്കാത്ത വടക്കാഞ്ചേരി നഗരസഭ സെക്രട്ടറിയാണ് അനധികൃതമായി പാടം നികത്തുന്നതിന് മൗനസമ്മതം നല്‍കിയിട്ടുള്ളത്.
നെല്‍വയലുകള്‍ നികത്തുന്നവര്‍ക്കെതിരേ കര്‍ശനമായ നടപടിയെടുക്കണമെന്ന സര്‍ക്കാരിന്റെ നിര്‍ദ്ദേശങ്ങളെ പുല്ലുവില കല്‍പിച്ചാണ് മണ്ണിട്ടു നികത്തുന്നത്. ഓട്ടുപാറയിലെ ഒട്ടുമിക്ക പാടശേഖരവും മണ്ണിട്ട് നികത്തിയ നിലയിലാണ്. ഇരട്ടകുളങ്ങരയില്‍ നിര്‍ധനരായ ഒരു കുടുംബം വീടുവെയ്ക്കാനായി അഞ്ച് സെന്റ് ഭൂമി മണ്ണിട്ടു നികത്തുന്നത് അധികൃതര്‍ സ്റ്റോപ്പ് മെമ്മോ നല്‍കി നിറുത്തി വെപ്പിച്ചിരുന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss