|    Feb 24 Sat, 2018 9:41 am
FLASH NEWS

അവഗണന പേറി അഞ്ചരക്കണ്ടി തട്ടാരി പാലം

Published : 18th December 2017 | Posted By: kasim kzm

മട്ടന്നൂര്‍: കണ്ണൂര്‍ അന്തരാഷ്ട വിമാനത്താവളത്തിലേക്കുള്ള റോഡുകള്‍ നവീകരിക്കുമ്പോ ള്‍ അഞ്ചരക്കണ്ടി തട്ടാരി പാലം റോഡ് വികസനത്തിന് തടസ്സമാവുന്നു. വര്‍ഷങ്ങള്‍ കഴിയുമ്പോഴും റോഡിനു വീതി കൂട്ടുന്നതല്ലാതെ പാലം അന്നും ഇന്നും അതുപോലെ തന്നെ. മട്ടന്നൂരിന് പുറമെ കൂത്തുപറമ്പ്, വേങ്ങാട്, അഞ്ചരക്കണ്ടി, ഏച്ചൂര്‍ തുടങ്ങിയ പ്രദേശങ്ങളില്‍നിന്ന് ബസ് ഉള്‍പ്പെടെയുള്ള വാഹനങ്ങള്‍ കടന്നുപോവുന്നത് ഇതുവഴിയാണ്.
വിമാനത്താവളം, അഞ്ചരക്കണ്ടി മെഡിക്കല്‍ കോളജ് എന്നിവിടങ്ങളിലേക്ക് പോകാനും ഈ പാലം കടക്കണം. കഷ്ടിച്ച് ഒരു ബസ്സിനു മാത്രം പോവാന്‍ വീതി. ഒരു ഭാഗത്തുനിന്ന് വരുന്ന വാഹനങ്ങള്‍ പാലത്തിലൂടെ പോയാല്‍ മാത്രമേ മറുഭാഗത്തെ വാഹനങ്ങള്‍ക്ക് കടന്നുപോവാന്‍ കഴിയൂ. ദിനേന നിരവധി വാഹനങ്ങളാണ് ഇതുവഴി സഞ്ചരിക്കുന്നത്.
കണ്ണൂര്‍ വിമാനത്താവള വികസനത്തിന് അനുബന്ധമായി കോടികള്‍ ചെലവിട്ടു റോഡ് വീതികൂട്ടി നവീകരിച്ചെങ്കിലും പാലം പഴയതു തന്നെ.
പൊതുമരാമത്ത് വകുപ്പ് റോഡ് ടാറിങിനും പാലം നിര്‍മിക്കാനും കോടികള്‍ അനുവദിക്കുന്നുണ്ടെങ്കിലും പ്രധാന റോഡിലെ പാലം വീതികൂട്ടി  നവീകരിക്കാത്തതില്‍ പ്രതിഷേധം ശക്തമാണ്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss